Dagmál Hnitmiðaður frétta- og
dægurmálaþáttur Morgunblaðsins
Áfallið kveikjan að árangrinum
Íþróttir 15. október 2021

Áfallið kveikjan að árangrinum

Kristín Þórhallsdóttir byrjaði að æfa kraftlyftingar eftir að eins árs gamall sonur hennar greindist með mjög sjaldgæft heilkenni en hún starfar sem dýralæknir í Borgarfirði og á meðan kórónuveirufaraldurinn reið yfir landið útbjó hún æfingaaðstöðu í hlöðunni heima hjá sér. Kristín, sem er 37 ára gömul, er margfaldur Íslandsmeistari í íþróttinni en hún ræddi við Bjarna Helgason um æskuárin í Borgarfirði og kraftlyftingaferilinn en hún vann til bronsverðlauna á HM í Halmstad í Svíþjóð á dögunum.

Móðir allra áskorana
Íþróttir 1. október 2021

Móðir allra áskorana

Arnar Bergmann Gunnlaugsson, þjálfari Íslandsmeistara Víkings í knattspyrnu, ræddi við Bjarna Helgason um uppvaxtarárin á Akranesi, fyrsta Íslandsmeistaratitil Reykjavíkurvíkinga í þrjátíu ár og þjálfara- og atvinnumannaferilinn. Arnar, sem er 48 ára gamall, tók við þjálfun Víkinga í október 2018 og var að klára sitt þriðja tímabil sem þjálfari liðsins en hann lék í fjölda ára sem atvinnumaður í Hollandi, Þýskalanid, Frakklandi, Englandi og Skotlandi meðal annars. Þá lék hann 32 A-landsleiki fyrir Ísland þar sem hann skoraði þrjú mörk.

Sögur sem stinga mann beint í hjartað
Íþróttir 3. september 2021

Sögur sem stinga mann beint í hjartað

Eygló Ósk Gústafsdóttir, margafaldur Íslandsmeistari í sundi og fyrrverandi landsliðskona í greininni, ræddi við Bjarna Helgason um æskuárin í Breiðholti, sundferilinn, stórmótin og lífið eftir sundið en hún lagði sundhettuna á hilluna í júní 2020. Eygló, sem er 26 ára gömul, var kjörin íþróttamaður ársins árið 2015 en hún vann til tvennra bronsverðlauna á Evrópumeistaramótinu í Netanya í Ísrael, í 100m og 200m baksundi, og varð um leið fyrst íslenskra kvenna til þess að komast á verðlaunapall á EM í 25 metra laug. Þá fór hún á tvenna Ólympíuleika, í London 2012 og Ríó 2016.

Landsliðið var grín fyrir komu Lagerbäcks
Íþróttir 23. ágúst 2021

Landsliðið var grín fyrir komu Lagerbäcks

Ragnar Sigurðsson, fyrrverandi atvinnumaður og landsliðsmaður Íslands í knattspyrnu, ræddi við Bjarna Helgason um uppvaxtarárin í Árbænum, fjórtán ára atvinnumannaferil sinn og landsliðsferilinn. Ragnar, sem er 35 ára gamall, gekk til liðs við uppeldisfélag sitt Fylki á dögunum en hann á að baki 97 A-landsleiki fyrir Íslands og hefur tekið þátt í tveimur stórmótum fyrir Íslands hönd; EM 2016 í Frakklandi og HM 2018 í Rússlandi.

Sýna fleiri þætti