Sjaldan meiri sala en í faraldrinum

Þegar kórónuveirufaraldurinn skall á síðastliðið vor og samkomubann tók gildi á Íslandi varð eigendum Húsgagnahallarinnar, Dorma og Betra baks brugðið og voru þeir uggandi yfir framhaldinu. Tveimur vikum eftir að bannið tók gildi snerist svo taflið við – salan tók við sér og hefur verið mjög góð og umfram allar væntingar við óvenjulegar og krefjandi aðstæður. Guðmundur Gauti Reynisson, annar eigandi félagsins Greenwater ehf. sem rekur verslanirnar þrjár, segir stóraukna netverslun og öflugt starfsfólk eiga hvað mestan þátt í hversu vel hefur tekist til.