Stórvarasöm hjálp hins opinbera

Þegar kom að því að velja meistaranám þóttu mér tveir valkostir standa upp úr: London School of Economics, þar sem sjálfur Friedrich Hayek starfaði á sínum tíma, og svo George Mason University í Virginíu.

Í fljótu bragði virðist LSE miklu betri háskóli, mun erfiðara að komast þar að og í flestum mælingum er LSE í hópi heimsins bestu háskóla á meðan GMU lendir miklu neðar. En hagfræðideildin við George Mason á engan sinn líka og þótt ég noti hvert tækifæri til að monta mig af að hafa útskrifast frá LSE (og finni fyrir djúpstæðri minnimáttarkennd gagnvart þeim sem fóru í Oxford og Cambridge) þá hugsa ég reglulega til þess hve gaman það hefði verið að læra við fótskör helstu frjálshyggjuhagfræðinga heims. Hef ég þurft að láta mér nægja að fara á YouTube til að hlýða á fyrirlestra manna á borð við Tyler Cowen, Bryan Caplan, Steven Horwitz og Lawrence H. White.

Af mörgum snjöllum kennurum við George Mason bar einn höfuð og herðar yfir hina og var um leið maðurinn sem...