Öld gervigreindar er runnin upp

Ég ætlaði að vera agalega sniðugur og láta gervigreind hjálpa mér við að skrifa þennan pistil, en tæknigrúskarinn vinsæli, Marques Brownlee, varð fyrri til.

Brownlee er stórstjarna á YouTube og heldur þar úti rásinni MKDBH þar sem hann fjallar um allt það nýjasta í græjuheiminum. Þegar kom að því að fjalla um þær miklu framfarir sem hafa orðið í gervigreind upp á síðkastið brá Brownlee á leik og bað forritið ChatGPT að skrifa fyrir sig handritsbút. Allt sem hann þurfti að gera var að slá inn eftirfarandi skipun:

„Skrifaðu handrit fyrir YouTube-rásina MKBDH um hvers vegna gervigreind getur ekki komið í stað fólks sem býr til efni fyrir vefinn.“

Gervigreindin sá um afganginn og færði ágætis rök fyrir því að fólk eins og Brownlee þurfi ekki að pakka saman alveg strax. Brownlee þurfti bara að lesa textann og virka sannfærandi.

Kennarar skjálfa á beinunum

Undanfarna daga hefur netið fyllst af skjáskotum af...