Sjúkraflugið er mikilvæg lífsbjörg

Um áramótin gengu Mýflug ehf. og Jóhannes Kristinsson í Lúxemborg frá kaupum á 67,1% hlut í flugfélaginu Erni. Hlutur kaupendanna tveggja er jafnstór og eiga þeir Erni nú á móti Herði Guðmundssyni, flugmanni og framkvæmdastjóra félagsins til ríflega hálfrar aldar. „Markmiðið er að styrkja stöðu Mýflugs og styrkja reksturinn. Sameining við Erni er ekki áformuð þótt aldrei sé hægt að segja fyrir um hvað framtíðin ber í skauti sér. Bæði félögin hafa sína sérstöðu og föstu verkefni og eru að því leyti á góðu flugi,“ segir Leifur Hallgrímsson, aðaleigandi og stofnandi Mýflugs.