Seiðlistakonur kalla þær sig listakonurnar Andrea Ágústa Aðalsteinsdóttir, Freyja Eilíf, Heiðrún Viktorsdóttir og Sigthora Odins sem opna í Nýlistasafninu í kvöld, föstudagskvöld, klukkan 20 sýninguna Streymi . Sýningin er partur af sýningaröð safnsins sem nefnist „Rúmelsi“, þar sem áhersla er lögð á frumkvæði listamanna, en Streymi er sýningarverkefni á vegum Ekkisens sem er sýningarrými við Bergstaðastræti.
Í tilkynningu segir að „Stream-spirit-puddle-power“ sé óformlegt heiti á samstarfi myndlistarkvennanna sem hafi streymt saman í lífi og starfi frá árinu 2016. „Listrænar rannsóknir þeirra eru fasafléttur sem leiða saman snúrur úr heimum myndlistar, frumefna, fjölvíddar og fjölkynngi. Í gegnum sýningarstörf í Ekkisens lá leið hópsins í Streymi saman og úr varð seiðsystrateymi sem nú spannar tveggja ára samtal.“
Andrea Ágústa sýnir skúlptúra sem unnir eru og hlaðnir sem líffæri sem
...