Sigtryggur Sigtryggsson
sisi@mbl.is
Nýliðinn janúar var óvenju illviðrasamur og miklar samgöngutruflanir urðu vegna veðurs.
Meðalvindhraði í byggðum landsins var óvenjumikill, hefur aðeins einu sinni verið álíka mikill síðan farið var að mæla með sjálfvirkum stöðvum um land allt. Það var í febrúar 2015. Illviðrisdagar voru venju fremur margir, með því mesta sem hefur verið. Þetta kemur fram í tíðarfarsyfirliti Veðurstofunnar fyrir mánuðinn.
Hvassast var á landinu þann 8. (suðvestanátt), þ. 14 (norðaustanátt), dagana 19. og 20. (suðvestanátt) og þ. 23. (suðvestanátt). Þessa daga var meðalvindhraði allra sjálfvirkra stöðva í byggð meiri en 10 metrar á sekúndu. Nokkrar samgöngutruflanir urðu fleiri daga í mánuðinum.
Fram kemur í yfirliti Veðurstof- unnar að úrkomusamt var á landinu í janúar.