Nú er hafin bólusetning barna á aldrinum 12-15 ára við Covid-19. Bólusetning fullorðinna hefur gengið hratt og nú eru börnin næst, enda er það stefna stjórnvalda að bólusetja sem allra flesta á sem skemmstum tíma. Engu máli skiptir að bóluefnin veita mun minni vernd en lofað var. Né heldur að alvarlegar aukaverkanir hafa komið fram, svo sem alvarleg hjartavandamál, lamanir og sú staðreynd að þau hafa sett tíðahring a.m.k. 1.700 kvenna úr skorðum.
Orðræða stjórnvalda hefur verið þannig að helst megi skilja að bóluefnin séu eins örugg og rannsökuð og önnur lyf sem standa almenningi til boða. Þetta er rangt. Þótt hröð þróun bóluefnanna við Covid-19 sé sjálfsagt merkilegt afrek læknavísindanna hafa þau enn ekki staðist þær prófanir sem vísindasamfélagið (og lög flestra ríkja) gera kröfu um að ný lyf ætluð mönnum standist.
Vísindasamfélagið hefur viðurkennd viðmið um hvernig lyfjarannsóknir skuli framkvæmdar og hvenær lyf teljast
...