Vilhjálmur Bjarnason: „Dómsmálaráðherra er einungis að gera skyldu sína þegar lögum er fylgt og því er ráðherrann ekki hinn versti maður.“
Sennilega æra óstöðugan málefni útlendinga sem óska eftir alþjóðlegri vernd á Íslandi. Þessi málaflokkur hafði varla nokkurt vægi á árunum eftir liðin aldamót, þaðan af síður alla síðustu öld, og málaflokkurinn hafði lítið vægi í fjárlögum á þeim árum, sem ég sat á Alþingi.
Þó man ég eftir heiftarlegum deilum vegna veitingar ríkisborgararéttar af mannúðarástæðum til albanskrar fjölskyldu án nokkurra tengsla við landið. Eftir hrossakaup og hótanir um að taka þing í gíslingu fyrir jólaleyfi eitt árið var leyfið veitt. Þessi fjölskylda hefur horfið af landinu en í kjölfar þessa leyfis kom flóðbylgja umsókna frá sama landi.