![Áslaug Arna Sigurbjörnsdóttir](/myndir/gagnasafn/2024/05/15/c3dd5c36-ee51-4a56-9c9a-5b0e6ae10808.jpg)
Við getum ekki stjórnað framtíðinni en við getum stjórnað með hliðsjón af augljósum staðreyndum. Fjárfesting í mannauði, nýsköpun og þekkingu skilar sér í auknum hagvexti til framtíðar. Það er ágætt að rifja þetta upp af því tilefni að þessa vikuna fer fram Nýsköpunarvika Íslands – Iceland Innovation Week.
Nýsköpunarvikan er hátíð sem leiðir meðal annars saman sprotafyrirtæki, frumkvöðla og íslenska og erlenda fjárfesta. Vekur athygli á nýjum og spennandi lausnum og stórum áskorunum. Markmiðið að auka sýnileika og aðgengi að nýsköpun þvert á atvinnugreinar og fyrirtæki.
Nýsköpunarvikan er líka mikilvæg áminning fyrir okkur sem störfum á vettvangi stjórnmálanna. Kerfin sem við vinnum í eru mannanna verk. Við megum ekki missa sjónar á því að umhverfið sem við sköpum skiptir fólk máli, meðal annars frumkvöðla með stórar hugmyndir. Það skiptir Ísland máli
...