Bretarnir sem gengu í sveitir SS

Þýska stríðsvélin stundaði það í seinna stríði að fá erlenda einstaklinga til liðs við sig, fólk sem tilheyrði gjarnan hernumdum ríkjum og svæðum eða kom úr fangabúðum. Þannig má nefna að þúsundir manna frá Danmörku, Noregi, Frakklandi, Hollandi, Belgíu og Rússlandi gengu til liðs við þýska herinn Wehrmacht og sveitir Schutzstaffel, eða SS. Einhverjir þessara manna gengu til liðs við Þriðja ríkið því þeir aðhylltust fasisma, aðrir vegna mikillar andúðar sinnar á kommúnisma og enn aðrir til þess eins að losna undan slæmum aðbúnaði í fangabúðum. Öllu óþekktari er þó saga þeirra Breta sem gengu til liðs við SS og mynduðu það sem sagnfræðingar hafa sumir kallað fámennustu og ósigursælustu útlendingahersveit Þýskalands.

Athuganir bresks sagnfræðings hafa leitt í ljós að 54 menn frá Bretlandi og samveldislöndum þess klæddust einkennisfatnaði SS í seinni heimsstyrjöld. Sumir þessara manna tilheyrðu SS í lengri tíma en aðrir í einungis fáeina daga. Ekkert virðist benda til að...