Það er ekki lengur hægt að ræða málin

Ég má til með að mæla með hlaðvarpinu Dark Horse sem hjónin Bret Weinstein og Heather Heying halda úti á YouTube. Þau eru bæði með doktorsgráðu í þróunarlíffræði, jarðbundin, snjöll og alvöruvísindamenn. Bæði kenndu við Evergreen State College, suður af San Francisco, allt fram til ársins 2017 þegar kastaðist í kekki á milli Weinsteins og réttsýnasta fólksins á háskólasvæðinu.

Löng hefð er fyrir því hjá Evergreen að þeir nemendur og kennarar sem tilheyra minnihlutahópum taka sig til einu sinni á ári og skrópa í skólanum heilan kennsludag. Er þetta gert til þess að minna á mikilvægt framlag þeirra í skólastarfinu.

Árið 2017 létu skólayfirvöld það boð út ganga að hefðinni yrði breytt, þannig að hvítir nemendur og kennarar þyrftu að halda sig heima í einn dag. Weinstein, sem hallast til vinstri og er eins fordómalaus og velviljaður og hugsast getur, mótmælti þessu og benti réttilega á að mikill munur væri á því að sleppa skóladegi sjálfviljugur og að þvinga...