Ár innrásar, átaka og eyðileggingar
Stefán Gunnar Sveinsson
Setja bókamerki
Í dag, föstudaginn 24. febrúar, er ár liðið frá því að Vladimír Pútín Rússlandsforseti fyrirskipaði allsherjarinnrás rússneska hersins í Úkraínu. „Sérstaka hernaðaraðgerðin,“ líkt og styrjöldin er enn kölluð af rússneskum stjórnvöldum, gerbreytti um leið stöðu alþjóðamála, sem hverfast nú minna eða meira um Úkraínustríðið og það hvaða framtíð bíði að henni lokinni.
Aðdraganda styrjaldarinnar má í raun rekja aftur til falls Sovétríkjanna árið 1991, en Pútín lýsti því yfir árið 2005 að hann liti á þann atburð sem „mesta geópólitíska harmleik“ síðustu aldar. Var það ekki síst vegna þess að tugmilljónir Rússa enduðu þá að sögn Pútíns utan landamæra Rússlands.
Pútín hefur enda sýnt í verki að hann skirrist ekki við að beita valdi til þess að vernda hagsmuni Rússlands, sér í lagi í þeim nágrannaríkjum sem eitt sinn voru undir stjórn Sovétstjórnarinnar í Moskvu. Fyrri innrásir Pútíns, í Georgíu árið 2008 og í...