Svanasöngur Sigurbjargarinnar

Sigurbjörg ÓF 1 hélt í gær i síðustu veiðiferð sína.

Skipið lagði úr höfn á Ólafsfirði kl. 9:30 í gærmorgun, en eftir túrinn á að leggja Sigurbjörginni og taka í gagnið nýtt skip, Sólberg ÓF 1, sem hefur verið í smíðum í Tyrklandi fyrir Ramma hf.

Vilhjálmur Sigurðsson skipstjóri í brúarglugganum við brottför. mbl.is/Guðmundur Gauti Sveinsson

Sigurbjörg ÓF 1 var smíðuð árið 1979 hjá Slippstöðinni á Akureyri. Þegar Sigurbjörgin kom til heimahafnar var skrifað um komu skipsins í Sjómannablaðið Ægi: 

„Nýr skuttogari, m/s Sigurbjörg ÓF 1, bættist í flota landsmanna 19. maí sl, en þann dag kom skipið í fyrsta sinn til heimahafnar sinnar, Ólafsfjarðar, og fór afhending þar fram. Sigurbjörg ÓF er smíðuð hjá Slippstöðinni h/f á Akureyri og er nýsmíði stöðvarinnar nr. 60. Skipið, sem er ný hönnun hjá Slippstöðinni h/f, er fjórði skuttogarinn sem stöðin afhendir. Sigurbjörg ÓF er stærsta fiskiskip sem byggt hefur verið hér á landi og er jafnframt stærsti skuttogarinn hérlendis af minnigerð (undir SOO brl.), miðað við aðalmál."

Sigurbjörgin var smíðuð 1979 og þá stærsta fiskiskip sem byggt hafði verið hérlendis. mbl.is/Guðmundur Gauti Sveinsson

Myndirnar eru teknar af Guðmundi Gauta Sveinssyni og birtar á skipa- og bátamyndasíðu hans.

• Blogga um frétt