Fréttayfirlit

ÍÞRÓTTIR Dave Whelan stjórnarmaður enska úrvalsdeildarliðsins Wigan segir í viðtali við Sky Sports að Liverpool hafi ekki sett sig í samband en knattspyrnustjóri liðsins, Roberto Martinez, er sterklega orðaður við stjórastarfið hjá Liverpool eftir að Kenny Dalglish var rekinn frá félaginu í dag.

INNLENT Kolbrún Baldursdóttir sálfræðingur var kosinn formaður stjórnar Barnaheilla – Save the Children á Íslandi á aðalfundi samtakanna í vikunni. Tap varð af rekstri samtakanna á árinu 2011.

ERLENT Alexis Tsipras, leiðtogi gríska vinstriflokksins Syriza, sakar Evrópusambandið og Angelu Merkel, kanslara Þýskalands, um að vera í pókerspili með líf Evrópubúa með því krefjast aðhaldsaðgerða í ríkisfjármálum ríkja í álfunni.

FÓLKIÐ Margverðlaunaði handritshöfundurinn Aaron Sorkin mun skrifa og leikstýra fyrirhugaðri mynd um ævi Steve Jobs heitins, eins af stofnendum Apple. Sorkin skrifaði m.a. handritið að þáttunum vinsælu The West Wing og að kvikmyndinni The Social Network en fyrir það síðarnefnda hlaut hann óskarsverðlaunin árið 2011.

ÍÞRÓTTIR Íslenska U18 ára landslið kvenna í körfuknattleik tapaði í dag fyrir Finnum, 76:54, í fyrsta leik sínum á Norðurlandsmótinu sem hófst í Solna í Svíþjóð í dag.

INNLENT Tveir nammigrísir voru handteknir í miðborginni í gær en þeir stálu sælgæti úr verslun. Þegar þeir ætluðu að laumast út úr versluninni með nammið innan klæða mættu þeir lögreglu sem sá að þeir höfðu eitthvað að fela.

INNLENT Hæstiréttur staðfesti í dag ákvörðun Héraðsdóms Reykjavíkur að fella úr gildi ákvörðun Fjármálaeftirlitsins um álagningar 15 milljón króna stjórnvaldssektar á EA fjárfestingafélag.

INNLENT Hæstiréttur hefur staðfest dóm Héraðsdóms Reykjavíkur yfir karlmanni sem var dæmdur í átján mánaða fangelsi fyrir nauðgun að öðru leyti en því að til frádráttar refsingu kemur gæsluvarðhald hans frá 3. til 7. maí 2011.

FÓLKIÐ Yfir hundrað karlmenn mættu í áheyrnarprufur í leikhúsi í London á dögunum en þeir vildu allir fá að leika Bítlana í nýjum söngleik sem setja á á svið.

VIÐSKIPTI Flestar hlutabréfavísitölur í Evrópu lækkuðu í dag fyrir utan CAC vísitöluna í París sem hækkaði um 0,31%. Í Frankfurt lækkaði DAX vísitalan um 0,26%. Allar helstu hlutabréfavísitölur á Wall Street hafa hækkað í dag.

INNLENT Helgi Hjörvar, þingmaður Samfylkingarinnar, gagnrýndi stjórnarandstöðuna á Alþingi í dag fyrir að beita málþófi til að tefja mál. Hann segir að þingið eigi að velta því fyrir sér hvort ekki sé nauðsynlegt að láta þjóðina einfaldlega taka af skarið varðandi stór deilumál.

INNLENT Í aðdraganda Alþjóðlegs dags gegn hómófóbíu og transfóbíu á morgun gáfu ILGA-Europe í gær út sitt fyrsta „Ársyfirlit yfir stöðu mannréttinda hinsegin fólks í Evrópu“. Ritinu fylgdi ný útgáfa af svokölluðu „Regnbogakorti“ sem sýnir stöðu mála myndrænt eftir ríkjum.

ÍÞRÓTTIR „Það hefur verið sannur heiðar að fá að koma aftur til Liverpool sem knattspyrnustjóri,“ segir Kenny Dalglish, fráfarandi knattspyrnustjóri Liverpool, í yfirlýsingu frá félaginu en Dalglish var rekinn fyrr í dag.

INNLENT Innganga Íslands í Evrópusambandsins gæti þýtt að íslenskir framleiðendur hefðu ekki sama aðgang að hráefnum og áður. Þetta gæti hækkað kostnað fyrirtækjanna ef ekki tekst að ná hagstæðum samningum við sambandið.

ERLENT Samkvæmt læknaskýrslu frá heimilislækni George Zimmerman, sem hefur verið ákærður fyrir að myrða Trayvon Martin, var Zimmerman með brákað nef, tvö glóðaraugu og tvo djúpa skurði á hnakkanum daginn eftir að unglingsdrengurinn Martin lést.

VIÐSKIPTI Englandsbanki lækkaði í dag hagvaxtarspá sína og varaði við því að skuldakreppan á evru-svæðinu geti haft veruleg áhrif á efnahagsmál Breta þrátt fyrir að lausn finnist á skuldavandanum.

TÆKNI Þriðja útgáfa af Diablo tölvuleiknum var gefin út í vikunni sem tölvuleikjarisinn Blizzard framleiðir. Ríflega áratugur er síðan önnur útgáfa leiksins kom út, seldist í tæplega 20 milljónum eintaka og vann til fjölda verðlauna.

FÓLKIÐ Þó að það sé komið sumar er nægur snjór í Bláfjöllum og stendur Brettafélag Íslands í samstarfi við nokkra aðila fyrir sumarglensi í fjöllunum frá kl. 17-21 í dag.

INNLENT „Það bárust okkur skelfilegar fréttir í morgun, því það er algjört kjaftshögg fyrir fólk og fyrirtæki í þessu landi að það sé verið að hækka hér vexti. Það er algjört kjaftshögg,“ sagði Guðlaugur Þór Þórðarson, þingmaður Sjálfstæðisflokksins, í umræðum um störf þingsins í dag.

SMARTLAND Nú er ný aðhaldsflík komin á markað sem grennir handleggina svo um munar.

INNLENT Losun gróðurhúsalofttegunda á Íslandi minnkaði á síðasta ári um 6% á hvert framleitt tonn. Losun hefur minnkað um 75% á hvert framleitt tonn frá árinu 1990.

INNLENT Héraðsdómur Reykjavíkur hefur sýknað konu af ákæru um þjófnað á tveimur töskum úr fataverslun í miðborg Reykjavíkur. Þjófnaðurinn náðist á upptöku úr öryggismyndavél en upptakan dugði ekki til sakfellingar.

INNLENT Árni Þór Sigurðsson, þingmaður VG, segir að í viðræðum stjórnvalda við lífeyrissjóðina þá birtist stjórnir sjóðanna eins og þær vilji ekkert leggja á sig við uppbyggingu samfélagsins. Þær telji það jafnvel andstætt hagsmunum sjóðanna.

INNLENT Á aðstoðarutanríkisráðherrafundi Norðurskautsráðsins, sem haldinn var í Stokkhólmi í gær, var fjallað um fyrirliggjandi umsóknir um áheyrnaraðild að ráðinu. Evrópusambandið, Ítalía, Japan, Kína, Singapúr og Suður-Kórea hafa sótt um áheyrnaraðild ásamt fjórum alþjóðasamtökum.

INNLENT Ríkisstjórn Íslands ákvað á fundi sínum síðastliðinn föstudag að fela utanríkisráðherra og innanríkisráðherra að undirbúa gerð samninga við önnur ríki um flutning dæmdra manna og fullnustu refsinga.

INNLENT Listaverk glerlistamannsins Leifs Breiðfjörð í Southwark dómkirkjunni í Lundúnum verður vígt þann 3. júní í tilefni af sextíu ára valdaafmæli Elísabetar II. Englandsdrottningar.

INNLENT Þó að dagatalið segi að það eigi að vera komið sumar á það nú ekki við um allt land. Á Seyðisfirði féll snjór í gær og þá var auðvitað tilvalið að búa til listaverk í snjónum. Snjókarlinn við höfnina segir meira en mörg orð um veðurfarið nú í maí.

ERLENT Sænskur þýðandi japanskra manga- myndasagna, Simon Lundström, hefur áfrýjað til hæstaréttar Svíþjóðar dómum undirréttar þar sem hann var dæmdur fyrir vörslu barnakláms. Hófst málflutningur í málinu fyrir hæstarétti í dag.

INNLENT Gengið var frá ráðningum skólastjóra við þrjá grunnskóla í Reykjavík á fundi skóla- og frístundaráðs í dag. Jónína Ágústsdóttir var ráðin skólastjóri í Breiðholtsskóla, Ásta Bjarney Elíasdóttir verður skólastjóri í Húsaskóla og Börkur Vígþórsson tekur við skólastjórn í Ölduselsskóla.

ERLENT Um 56% þjóðarinnar hefur jákvætt viðhorf til áliðnaðar á Íslandi. Um 20% hafa neikvæða afstöðu til áliðnaðar og um 25% taka ekki afstöðu. Þetta kemur fram í skoðanakönnun sem Capacent gerði fyrir Samál, samtök álfyrirtækja.

INNLENT Brot 89 ökumanna voru mynduð á Digranesvegi í Kópavogi í dag. Fylgst var með ökutækjum sem var ekið Digranesveg í austurátt, gegnt MK. Á einni klukkustund, fyrir hádegi, fóru 167 ökutæki þessa akstursleið og því ók meirihluti ökumanna, eða 53%, of hratt eða yfir afskiptahraða.

ÍÞRÓTTIR Kenny Dalglish hefur látið af störfum sem knattspyrnustjóri enska úrvalsdeildarliðsins Liverpool. Fréttavefur BBC greindi frá þessum tíðindum nú rétt í þessu.

VIÐSKIPTI Verðmæti álframleiðslu á árinu 2011 var liðlega 230 milljarðar króna og samkvæmt hagtölum nam útflutningur á áli um 40% af heildarverðmæti útflutningsvara. Framlag til landsframleiðslu var um 90 milljarðar samkvæmt nýlegri úttekt Hagfræðistofnunar.

ERLENT Stjórnvöld í Indónesíu segja að hluti ferðrita rússnesku farþegaflugvélarinnar, sem brotlenti í fjallshlíð í Indónesíu í síðustu viku, sé fundinn. Allir um borð, alls 45 manns, létust. Vélin var í sýningarferð um Asíu en hvarf af ratsjá um 50 mínútum eftir að tekið var á loft frá Jakarta.

TÆKNI Morgunhanar í Kína og Japan geta orði vitni af fágætum sólmyrkva um helgina. Um verður að ræða svokallaðan hringmyrkva sem verður þegar tunglið skyggir fyrir sólkringluna miðja en ekki jaðar hennar, séð frá athugunarstað.

INNLENT Mikill áhugi er fyrir því að byggja gróðurhús að íslenskri fyrirmynd í S-Kína en Hafberg Þórisson, garðyrkjumaður og eigandi Lambhaga, tók í dag á móti aðstoðarlandbúnaðarráðherra Kína sem kynnti sér starfsemina í gróðurhúsinu. En að sögn Hafbergs eru gróðurhúsin hér einfaldari en í Evrópu t.a.m.

SMARTLAND Fólk er að verða meðvitaðra um aukefni í snyrti- og húðvörum. Nýja línan frá Neutral inniheldur engin aukefni, ilmefni og litarefni. Auk þess eru engin paraben né alkóhól í línunni.

ERLENT Tveir menn til viðbótar hafa verið ákærðir í umfangsmiklu máli í Kanada þar sem mörg hundruð Tamílum var smyglað til landsins með flutningaskipi.

FÓLKIÐ Breski leikarinn Michael Caine var nýverið læstur heila nótt í risi gamals leikhúss í New Orleans. Þar fara fram tökur á myndinni Now You See Me og hafði Caine læðst upp á loft til að leggja sig en sofið lengur en til stóð. Tökuliðið hélt að Caine væri farinn heim og læsti á eftir sér. Ekkert rafmagn var á háaloftinu og Caine var ekki með farsímann sinn.

ÍÞRÓTTIR Brasilíski bakvörðurinn Dani Alves missir af úrslitaleik Barcelona og Athletic Bilbao um spænska Konungsbikarinn um aðra helgi.

ERLENT Rússar vilja aðallega spara orku af efnahagsástæðum. Norðurlönd og ESB vilja spara orku til að draga úr álagi á umhverfið. Þrátt fyrir ólík markmið gengur samstarf Norðurlanda og Rússa um orkusparandi lausnir vel.

FÓLKIÐ Annar tveggja nuddara sem hafa sakað Hollywood-stjörnuna John Travolta um kynferðislega áreitni hefur dregið kæru á hendur leikaranum til baka.

FÓLKIÐ Kvikmyndahátíðin í Cannes í Suður-Frakklandi er versta martröð kvikmyndaleikstjórans Woody Allen. Er það ekki hátíðin sem slík sem fer í taugarnar á honum heldur allt glysið í kringum hana, ágangur aðdáenda og fjölmiðla.

ÍÞRÓTTIR Vængmaðurinn efnilegi hjá Arsenal, Alex Oxlade-Chamberlain, var nokkuð óvænt valinn í leikmannahóp enska landsliðsins fyrir EM en hann hefur setið mikið á tréverkinu hjá Arsenal á tímabilinu.

INNLENT Dagur B. Eggertsson, formaður borgarráðs, afhenti fulltrúum Listahátíðarinnar List án landamæramannréttindaverðlaun Reykjavíkurborgar við athöfn í Höfða í dag á mannréttindadegi Reykjavíkurborgar.

INNLENT Skóla- og frístundaráð Reykjavíkur afgreiddi á fundi sínum í dag styrki til þróunar- og samstarfsverkefna fyrir rúmar 25 milljónir króna. Hæsti styrkurinn til þróunarstarfs, 3,5 milljón króna, rennur til samstarfsverkefnisins Skína smástjörnur sem fjórir sameinaðir leikskólar taka þátt í og miðar að því að þróa gæðastarf í fagstarfi með yngstu leikskólabörnunum.

ERLENT Nýr forsætisráðherra Grikklands, Panagiotis Pikrammenos, gerir góðlátlegt grín að fornafni sínu í viðtali við AFP-fréttastofuna en gríska orðið Panagiotis þýðir fullur gremju. Segir hann það hæfa vel nýja starfinu.

ÍÞRÓTTIR Roberto Mancini, knattspyrnustjóri Englandsmeistara Manchester City, vonast til þess að fá mikla peninga til leikmannakaupa í sumar svo félagið geti unnið fleiri titla í framtíðinni.

INNLENT Í landssöfnun Blátt áfram sem fram fór dagana 4.- 6. maí voru seldar bláar hjartalagaðar lyklakippur. Því miður hefur komið í ljós að lyklakippurnar geta verið hættulegar ungum börnum og harma samtökin það mjög.

INNLENT Í gær rann út frestur til að skila skriflegum athugasemdum í Icesave-málinu. Fjögur ríki skiluðu athugasemdum til EFTA-dómstólsins: Bretland, Holland, Liechtenstein og Noregur. Noregur og Liechtenstein taka undir sjónarmið Íslands um að ríkisábyrgð á innstæðutryggingum verði ekki byggð á tilskipun um innstæðutryggingar án þess að það komi skýrt fram í tilskipuninni sjálfri.

VIÐSKIPTI Már Guðmundsson seðlabankastjóri sagði að ekki væri hægt að ganga út frá því að stýrivextir yrðu óbreyttir ef verðbólga lækkaði í samræmi við það sem að væri stefnt. Það væri fleira en verðbólga sem hefði áhrif á vaxtaákvarðanir.

VIÐSKIPTI Viðbrögð fjármálamarkaðarins í morgun hafa borið þess merki að hækkun vaxta upp á 0,5 prósentur hafi verið nokkuð umfram það sem reiknað var með.

VIÐSKIPTI „Þetta sýnir hvaða ógöngum við erum með gjaldmiðilinn. Veiking krónunnar hefur verið að kynda undir verðbólgunni og Seðlabankinn bregst við með þeim hætti sem búist var við,“ segir Ólafur Darri Andrason hagfræðingur ASÍ um ákvörðun Seðlabankans að hækka stýrivexti um 0,5 prósentustig.

INNLENT Fimmtudaginn 7. júní nk. heldur Minningarsjóður Kristjáns Eldjárns gítarleikara tónleika í Háskólabíói til að minnast þess að tíu ár eru liðin síðan Kristján lést og eins þess að í sumar hefði hann orðið fertugur.

ERLENT „Þetta voru skelfilegar sekúndur,“ sagði Ingvild Leren Stensrud, sem lifði af skotárásina í Útey 22. júlí í fyrra, við réttarhöldin yfir Anders Behring Breivik í dag. Hún faldi sig undir líki á meðan hún beið þess að Breivik yfirgæfi kaffihúsið í eynni. Alls létust 69 í Útey.

INNLENT Það voru merkileg tímamót hjá Blóðbankanum á Sjúkrahúsinu á Akureyri í morgun, þegar Arnór Þorgeirsson starfsmaður FSA, mætti til að gefa blóð í 100 skipti. Arnór er jafnframt sá fyrsti til þess að ná þessum áfanga á Akureyri.

INNLENT Vísitala leiguverðs á höfuðborgarsvæðinu var 113 stig í apríl 2012 (janúar 2011=100) og hækkaði um 0,6% frá fyrra mánuði. Síðastliðna 3 mánuði hækkaði vísitalan um 1,8% og síðastliðna 12 mánuði hækkaði hún um 10,1%. Vísitala leiguverðs á höfuðborgarsvæðinu sýnir breytingar á vegnu meðaltali fermetraverðs.

ÍÞRÓTTIR „Ég er mjög ánægður að tilkynna minn fyrsta landsliðshóp og hann er ekki síður mikilvægur því þetta eru mennirnir sem spila fyrir England á EM í sumar,“ sagði Roy Hodgson, landsliðsþjálfari Englands, á blaðamannafundi í dag þar sem hann ræddi um valið á enska landsliðinu fyrir EM í Póllandi og Úkraínu í sumar.

INNLENT Héraðsdómur Reykjavíkur hefur úrskurðað að lögmaður kvenna sem fengu PIP brjóstaígræðslur þurfi að afhenda skattrannsóknarstjóra trúnaðarupplýsingar um skjólstæðinga sína. Úrskurðinum verður vísað til Hæstaréttar.

INNLENT Fjárlaganefnd hefur nú fundað með innanríkisráðherra, mennta- og menningarmálaráðherra, velferðarráðherra og umhverfisráðherra um veikleikamat fjármálaráðuneytis vegna framkvæmdar fjárlaga 2012 og ábendingar Ríkisendurskoðunar um vanda stofnana með uppsafnaðan halla.

FÓLKIÐ Til að taka af allan vafa þá er Jón stóri ekki tengdur tónlistarhátíðinni Reykjavík Live og alls ekki neinum af þeim fjölmörgu listamönnum sem þar koma fram. Þetta kemur fram í yfirlýsingu frá aðstandendum tónlistarhátíðarinnar.

ÍÞRÓTTIR Roy Hodgson landsliðsþjálfari Englendinga í knattspyrnu greindi frá því á fundi með fréttamönnum sem nú stendur yfir að Steven Gerrard muni verða fyrirliði landsliðsina á Evrópumótinu í sumar.

ÍÞRÓTTIR Björn Daníel Sverrisson, miðjumaður FH, átti góðan leik í gærkvöldi er FH-ingar lögðu nýliða Selfoss að velli, 0:1. Björn Daníel skoraði sigurmark leiksins á 79. mínútu.

ERLENT Að minnsta kosti 15 óbreyttir sýrlenskir borgarar voru teknir af lífi án dóms og laga af her landsins í borginni Homs í nótt. Íranar, einn helsti bandamaður Sýrlendinga í alþjóðasamfélaginu, segja að sýrlensk stjórnvöld þurfi meiri tíma til að koma á friði í landinu.

ÍÞRÓTTIR Úlfar Hinriksson hefur verið ráðinn þjálfari U17 ára landsliðs kvenna í knattspyrnu og tekur hann við liðinu af Þorláki Árnasyni þjálfara Íslandsmeistara Stjörnunnar.

ÍÞRÓTTIR Íslandsleikar Special Olympics í knattspyrnu verða haldnir á knattspyrnusvæði Víkings, fimmtudaginn 17. maí kl. 10.00 - 13.00. Íslandsleikarnir eru haldnir í samvinnu Special Olympics á Íslandi, KSÍ og knattspyrnufélagsins Víkings. Leikarnir eru í tengslum við Evrópuvika UEFA og Special Olympics en aðildarlönd Special Olympics í Evrópu taka þátt í Evrópuvikunni ár hvert.

VIÐSKIPTI Vendum – Stjórnendaþjálfun hefur hafið samstarf við Elínu Hirst, en hún sérhæfir sig í námskeiðum og þjálfun sem tengist fjölmiðlun, s.s framkomu í sjónvarpi og ráðgjöf varðandi fjölmiðlasamskipti t.d. vegna áfalla.

INNLENT Hjólakönnun Reykjavíkurborgar stendur nú yfir í annað sinn samhliða átakinu Hjólað í vinnuna. Mesta hjólaumferðin í fyrra var á stígum við Suðurlandsbraut og Sævarshöfða annars vegar og um Elliðaárdal, Fossvogsdal og Nauthólsvík hins vegar.

INNLENT Lögreglan á höfuðborgarsvæðinu fann hálft kíló af marijúana við húsleit í íbúð í fjölbýlishúsi í Hafnarfirði í gær. Á sama stað var einnig lagt hald á um 500 þúsund krónur en það er mat lögreglu að peningarnir hafi verið tilkomnir vegna fíkniefnasölu. Karl á þrítugsaldri var handtekinn í þágu rannsóknarinnar.

ÍÞRÓTTIR Roy Hodgson, landsliðsþjálfari Englands í fótbolta, tilkynnti nú rétt í þessu hóp Englands sem fer á Evrópumótið í Póllandi og Úkraínu í sumar.

INNLENT Nú stendur yfir heilsu-og hvatningarverkefni ÍSÍ, Hjólað í vinnuna. Í tilefni af því var boðið upp á kaffitjöld í morgun á fimm stöðum á höfuðborgarsvæðinu. Um 1000 manns hjóluðu við og gæddu sér á kaffi og Kristal á meðan að hjólin voru yfirfarin. Þrátt fyrir kuldann lék veðrið við gesti, bjartviðri, logn og sól.

INNLENT Átakið Hjólað í vinnuna hefur farið vel af stað og eru kappsamir hjólreiðamenn orðnir algeng sjón, enda þátttakendurnir tæplega 10.400 talsins um land allt. „Þátttakan er betri en á sama tíma í fyrra og þar sem hægt er að skrá sig til 29. maí er sífellt að bætast í hópinn,“ segir Kristín Lilja Friðriksdóttir, verkefnisstjóri almenningsíþróttasviðs ÍSÍ.

FERÐALÖG Ferðum Iceland Express til og frá Keflavíkurflugvelli seinkaði aldrei á fyrri hluta þessa mánaðar. Stundvísi fyrirtækisins hefur verið góð allar götur síðan að tékkneskt flugfélag hóf að fljúga fyrir það í nóvember. Nærri níu af hverjum tíu ferðum Icelandair voru á réttum tíma á tímabilinu.

ÍÞRÓTTIR Tony Pulis, knattspyrnustjóri enska úrvalsdeildarliðsins Stoke, þarf að selja leikmenn í sumar ætli hann að kaupa einhverja nýja til félagsins.

INNLENT Lögreglan á höfuðborgarsvæðinu stöðvaði kannabisræktun í húsi í Garðabæ um miðjan dag í gær. Við húsleit var lagt hald nokkra tugi kannabisplantna auk lítilræðis af öðrum fíkniefnum. Ræktunin var vel falin í kjallara hússins í rými sem var sérstaklega útbúið fyrir þessa starfsemi.

INNLENT Dómnefnd, sem var skipuð vegna samkeppni um hönnun fangelsis á Hólmsheiði, vinnur nú að því að fara yfir þær tillögur sem hafa borist vegna keppninnar. Í byrjun næsta mánaðar er svo stefnt að því að kynna vinningstillöguna. Enn á eftir að ganga frá því með hvaða hætti fangelsið verður fjármagnað.

INNLENT Deloitte hafnar öllum þeim ávirðingum sem sjávarútvegsráðuneytið setur fram í umsögn sinni í gær um skýrslu fyrirtækisins sem send var til atvinnuveganefndar. Jafnframt harmar fyrirtækið þá aðför sem sjávarútvegsráðherra hefur gert að Deloitte á fundum og opinberum vettvangi. Deloitte telur að frumvörpin um stjórn fiskveiða séu illa undirbúin og stórgölluð.

INNLENT Sigurður Einarsson, fyrrverandi stjórnarformaður Kaupþings, þarf að endurgreiða Kaupþingi tæplega 500 milljónir, ásamt dráttarvöxtum. Krafa um kyrrsetningu eigna var staðfest með dómi Héraðsdóms Reykjavíkur.

ERLENT Þann 1. maí sl. var Aimee Copeland með vinum sínum við Little Tallapoosa ána skammt frá Atlanta í Bandaríkjunum. Hún féll í ána og hlaut skurð á kálfanum en bakteríur, sem valda drepmyndandi fellsbólgu, komust í sárið. Þremur dögum síðar var hún komin á spítala þar sem henni var haldið sofandi í öndunarvél.

VIÐSKIPTI Í þjóðhagsspá Seðlabankans er varað við því að það sé að slakna á aðhaldi í opinberum fjármálum. Vaxandi þrýstingur virðist vera á ný útgjaldaáform og hætt sé við að þrýstingurinn aukist eftir því sem dregur nær kosningum til Alþingis.

ERLENT Kosið verður að nýju til þings í Grikklandi hinn 17. júní næstkomandi. Kosið var til þings í Grikklandi 6. maí en stjórnarmyndunarviðræður reyndust árangurslausar.

INNLENT Samanburður á orkuverði og þjónustu veitufyrirtækja í höfuðborgum Norðurlanda leiðir í ljós mikinn mun. Hann er meira en fjórfaldur þar sem hann er mestur, það er á milli Reykjavíkur og Kaupmannahafnar. Í öllum tilvikum nema einu er þjónustan útlátaminnst í Reykjavík en minna er greitt fyrir fráveituna í Stokkhólmi en hér.

INNLENT Lögreglan hafði afskipti af nokkrum mönnum í borginni í gær í tengslum við fíkniefnaeftirlit hennar. Lagt var hald á bæði amfetamín og marijúana en sá yngsti sem kom við sögu í þessum málum er aðeins 14 ára.

ÍÞRÓTTIR Ágúst Þór Jóhannsson þjálfari kvennalandsliðsins í handknattleik hefur þurft að gera eina breytingu á landsliðshópnum sem hann valdi fyrir leikina á móti Spáni og Úkraínu í undankeppni EM.

ÍÞRÓTTIR Katrín Ómarsdóttir, landsliðskona í knattspyrnu, var á meðal markaskorara Kristianstad í gærkvöld þegar liðið vann auðveldan útisigur á Kalmar, 5:0, í annarri umferð sænsku bikarkeppninnar.

VIÐSKIPTI Útflutningur frá Íslandi hefur verið kröftugri en reiknað var með í fyrri þjóðhagsspá Seðlabankans. Mestur vöxtur er í sjávarútvegi og ferðaþjónustu.

VIÐSKIPTI „Ef ríkissjóður er rekinn með halla er vonlaust mál að afnema höft,“ segir Árni Páll Árnason, þingmaður Samfylkingarinnar. Það sé því grundvallarforsenda að almenna samstaða sé um að reka ríkissjóð með afgangi og greiða niður skuldir.

INNLENT Póst- og fjarskiptastofnun segir að fjarskiptabúnaður radíóáhugamanns sé ekki talinn valda skaðlegri geislun en nágranni mannsins kvartaði undan búnaðinum sem hann taldi hafa spillandi áhrif bæði á andlegt og líkamlegt heilsufar hans.

INNLENT Bæjarfulltrúar Samfylkingarinnar í Reykjanesbæ segja jóst að stóraukin skuldsetning Reykjanesbæjar síðustu kjörtímabilin hefur bundið sveitarfélagið skuldaklafa sem mun hefta framfarir og rekstur til langs tíma.

VIÐSKIPTI Samtök iðnaðarins telja að ákvörðun Seðlabanka Íslands að hækka stýrivexti um 0,5 prósentustig komi ekki í veg fyrir verðhækkanir.

VIÐSKIPTI Ef ekki dregur úr verðbólgu á næstu mánuðum verður ekki komist hjá því að hækka stýrivexti frekar. Þetta sagði Már Guðmundsson seðlabankastjóri á fundi með fjölmiðlum í morgun.

SMARTLAND Eitt af síðustu verkum Birtu Björnsdóttur, áður en hún flytur til Spánar, var að hanna hálsmenalínu.

ERLENT „Við munum leggja fram sannanir fyrir því að Mladic átti þátt í ölllum þessum glæpum,“ sagði saksóknari við Alþjóðaglæpadómstólinn í Haag í morgun, en réttarhöldin yfir Ratko Mladic, fyrrverandi yfirmanni hers Serba í Bosníustríðinu, hófust í morgun.

VIÐSKIPTI Vilhjálmur Egilsson, framkvæmdastjóri Samtaka atvinnulífsins, segir að atvinnulífið vilji skilyrði til þess að geta verið í fremstu röð. Til þess þurfi að losna við gjaldeyrishöftin sem sé brýnasta hagsmunamál íslendinga. En til að losna við gjaldeyrishöftin þurfi metnað og kjark.

INNLENT Forseti Íslands Ólafur Ragnar Grímsson og Dorrit Moussaieff héldu í morgun í opinbera heimsókn til Tékklands. Forseti mun þar m.a. eiga fundi með Václav Klaus, forseta Tékklands, Petr Nečas forsætisráðherra og fleiri ráðamönnum auk þess sem hann sækir ferðamálakynningu sem Íslandsstofa stendur að í Prag.

INNLENT Álfafjölskyldunum tveimur sem búa í grjótinu sem Árni Johnsen, alþingismaður, hefur flutt út í Vestmannaeyjar líður að sögn mjög vel og hafa ekki orðið fyrir miklu raski í flutningunum. Ragnhildur Jónsdóttir sem rekur Álfagarðinn í Hafnarfirði segir að hunang sé það besta sem álfarnir sjö komast í.

ÍÞRÓTTIR Umboðsmaður Yaya Touré, miðjumanns Manchester City, segir að leikmaðurinn sé tilbúinn að hlusta á tilboð frá öðrum liðum í sumar.

INNLENT Rannsókn lögreglunnar á höfuðborgarsvæðinu á hnífstunguárás, sem átti sér stað í íbúð í Kópavogi í síðasta mánuði, er langt á veg komin. Árásarmaðurinn, 17 ára gamall piltur, réðist á tæplega þrítuga konu og veitti henni nokkur stungusár með hnífi.

INNLENT Eigendur og ábúendur á Vesturhúsajörðum í Dyrhólahverfi telja gróflega á sér brotið en Mýrdalshreppur og nokkrir aðrir eigendur jarða í austurhluta Dyrhólahverfis haf alátið þinglýsa yfirlýsingu um að þeir séu eigendur Dyrhólaeyjar.

INNLENT Enn er vetrarfærð sumstaðar á Norðaustur- og Austurlandi, víða nokkur hálka eða snjóþekja. Aðrir vegir landsins eru greiðfærir.

ÍÞRÓTTIR Paul Faulkner, framkvæmdastjóri enska úrvalsdeildarliðsins Aston Villa, segir að félagið vilji ráða eftirmann Alex McLeish sem fyrst en Skotinn var látinn fara í gær.

INNLENT „Hinn staðfasti sjávarútvegsráðherra okkar Íslendinga, Steingrímur J. Sigfússon, skipaði Indriða Þorláksson og Helga Hjörvar í starfshóp ásamt tveimur ráðuneytismönnum til að reikna út gjaldstofn til veiðiskatts“, segir Örvar Guðni Arnarson í grein í Morgunblaðinu í dag.

INNLENT Wolfgang Edelstein, prófessor og fyrrverandi forstöðumaður Max-Planck-menntavísindastofnunarinnar í Berlín, hlaut nýlega heiðursverðlaun frá hinni merku Theodor-Heuss-stofnun í Þýskalandi fyrir brautryðjandastarf í lýðræðismenntun.

FÓLKIÐ Íslenski gullsmiðurinn Kristján Eyjólfsson hefur hannað demantsnælu handa Elísabetu Englandsdrottningu í tilefni 60 ára krýningarafmælis hennar, sem kallast demantsafmæli.

VIÐSKIPTI Á árinu 2011 voru fluttar voru út vörur fyrir 620,1 milljarð króna en inn fyrir 523,0 milljarða króna, 561,6 milljarða króna. Afgangur var því á vöruskiptum við útlönd, sem nam 97,1 milljarði króna en 120,2 milljarða króna afgangur var árið 2010 á gengi hvors árs.

VIÐSKIPTI Heildarafli íslenskra skipa í nýliðnum aprílmánuði, metinn á föstu verði, var 32,8% meiri en í apríl 2011. Það sem af er árinu hefur aflinn aukist um 29,9% miðað við sama tímabil 2011, sé hann metinn á föstu verði. Þetta kemur fram í tölum Hagstofunnar.

ÍÞRÓTTIR Japaninn Shinji Kagawa, leikmaður Þýskalandsmeistara Borussia Dortmund, hefur verið þrálátlega orðaður við Manchester United að undanförnu en hann hitti Sir Alex Ferguson í Manchester á dögunum.

ÍÞRÓTTIR ÍR-ingar sem leika í 1. deildinni héldu áfram að styrkja sig á lokadegi félagaskipta í gær en liðið fékk til sín Viggó Kristjánsson á láni frá Breiðabliki.

ÍÞRÓTTIR Marklínutækni í fótbolta verður prófuð í fyrsta skipti í leik í kvöld þegar ensku utandeildarliðin AFC Totton og Eastleigh mætast á St. Marys, heimavelli Southampton.

INNLENT Lögreglan á Hvolsvelli vill koma fram viðvörun til ferðamanna og ferðaþjónustuaðila sem ferðast að Gígjökli við Þórsmerkurleið, en þar hefur myndast íshellir. Mikið hrun, bæði ís og grjót, er við hellismunnann og því getur verið hættulegt að fara inn í hellinn.

VIÐSKIPTI Andersen & Lauth hefur stofnað dótturfélag í Hollandi til að sjá um framleiðslu- og sölumál félagsins en vörur þess eru seldar í rúmlega 300 verslunum í um 12 löndum. Til að mæta þeim áskorunum í rekstrinum sem vextinum fylgir hefur félagið opnað söluskrifstofu í Hollandi og fært sig þannig nær markaðnum.

VIÐSKIPTI Peningastefnunefnd Seðlabanka Íslands hefur ákveðið að hækka vexti bankans um 0,5 prósentur. Eftir hækkunina eru stýrivextir 5,5%, daglánavextir 6,5%.

VIÐSKIPTI Verðbólgan dróst saman í Ástralíu í apríl síðastliðnum og er nú 2,3%. Hefur verðbólgan þar í landi ekki verið lægri í 16 mánuði.

ÍÞRÓTTIR Akureyringurinn Rúnar Sigtryggsson hefur verið ráðinn þjálfari þýska handknattleiksliðsins Erzgebirge Aue til næstu tveggja ára.

INNLENT Maðurinn, sem leitað var að í nótt og í morgun við Ásbyrgi og Dettifoss er kominn í leitirnar og amaði ekkert að honum. Hann villtist og ók í misgáningi inn á veg sem merktur var sem lokaður.

FÓLKIÐ Miðasala á tónleika Sigur Rósar á Airwaves hefst í dag kl. 12 á midi.is. Tónleikarnir fara fram 4. nóvember. Nemendum á aldrinum 13-16 ára frá haustönn 2012 (árgangar fæddir 1997-1999), gefst tækifæri á að komast á tónleika Sigur Rósar á Iceland Airwaves á miðaverði sem þeir ráða við eða 1.000 kr.

ERLENT Ratko Mladic, fyrrverandi hershöfðingi í her Bosníumanna, hafði þjóðernishreinsanir að markmiði í Bosníustríðinu. Þetta sagði saksóknari Sameinuðu þjóðanna í morgun, en Mladic er nú fyrir Alþjóðadómstólnum í Haag, sakaður um þjóðernismorð, glæpi gegn mannkyni og stríðsglæpi.

ÍÞRÓTTIR Huw Jenkins, stjórnarformaður Swansea City, hefur ákveðið að halda til Þýskalands og freista þess að ná samkomulagi við forráðamenn þýska knattspyrnuliðsins Hoffenheim um kaup á Gylfa Þór Sigurðssyni.

INNLENT Það var ófögur sjón sem blasti við starfsfólki Þjóðarbókhlöðunnar þegar það mætti til vinnu í gærmorgun en þá kom í ljós að einhver hafði yfir nóttina barkarflett átján ára gamla ösp sem stendur suðvestan við bygginguna.

INNLENT Björgunarsveitin Stefán í Mývatnssveit er nú á leiðinni að Dettifossvegi, en þar hefur maður verið fastur í bíl sínum síðan klukkan hálf fimm í morgun og er nokkurn veginn vitað hvar hann er að finna. Nokkur snjókoma er á þessum slóðum og mikill snjór á vegum.

ÍÞRÓTTIR Kjartan Henry Finnbogason gerði fyrstu þrennu Pepsi-deildarinnar í knattspyrnu á þessu ári þegar hann skoraði úr þremur vítaspyrnum fyrir KR gegn ÍBV.

VIÐSKIPTI Eiginfjárhlutfall íslenskra fyrirtækja er helmingi lægra en hjá evrópskum fyrirtækjum sem skráð eru í kauphöll.

INNLENT Á annað hundrað jarðskjálftar hafa orðið suðvestur af Herðubreið í kjölfar 3,4 stiga skjálfta sem reið yfir um klukkan 12.45 á hádegi á mánudag.

VIÐSKIPTI Hagar hyggjast selja fjórar sérvöruverslanir, en sala á sérvöru Haga hefur dregist saman. Forstjóri Haga segir það meðal annars vera vegna skattastefnu stjórnvalda. Ekki liggur fyrir hvaða verslanir er um að ræða.

ÍÞRÓTTIR Þetta er ein af mínum sætustu stundum hérna á KR-vellinum,“ sagði Hannes Þór Halldórsson, markvörður Íslands- og bikarmeistara KR, að loknum leiknum gegn ÍBV í gærkvöldi.

INNLENT ,,Ég er ekki að máta formannsbuxurnar eins og mér er sagt að einhverjir innan flokksins séu að gera,“ segir Guðbjartur Hannesson velferðarráðherra.

ÍÞRÓTTIR Indiana Pacers gerði sér lítið fyrir í nótt og sigraði Miami Heat á útivelli, 78:75, í öðrum leik liðanna í undanúrslitum Austurdeildar NBA í körfubolta og jafnaði metin í 1:1. San Antonio Spurs vann LA Clippers, 108:92, í fyrsta leik liðanna í undanúrslitum Vesturdeildar.

INNLENT Óvenjumörg prestsembætti eru nú laus, þar á meðal embætti sérþjónustuprests heyrnarlausra.

ÍÞRÓTTIR Haustið 2001, fyrir tæpum ellefu árum, urðu Skagamenn Íslandsmeistarar í 18. skipti, eftir dramatískt jafntefli í Vestmannaeyjum í hreinum úrslitaleik í lokaumferðinni. Þeir höfðu betur á markatölu.

INNLENT Björgunarsveitin Núpar á Kópaskeri var kölluð út í nótt vegna manns sem festi bíl sinn á Dettifossvegi. Maðurinn var ekki viss um hvar hann væri staddur og hélt að hann væri við Ásbyrgi þegar hann hafði samband við Neyðarlínuna um klukkan hálf fimm í morgun.

SMARTLAND Beyoncé hefur engan áhuga á að verða vinkona Kim Kardashian en sú síðarnefnda gefst ekki upp.

ÍÞRÓTTIR Kristján Þór Einarsson, kylfingur úr Keili í Hafnarfirði, var valinn í eitt af liðum ársins í sinni deild í bandaríska háskólagolfinu í lok vetrarins.

ERLENT Sýrlenski stjórnarherinn skaut á flóttamannabúðir í Daraa héraði í suðurhluta Sýrlands í morgun. Þrír létust, þeirra á meðal eitt barn. Í búðunum hafast við flóttamenn frá Palestínu og Sýrlendingar sem hafa verið hraktir frá heimilum sínum í Gólan hæðum.

ERLENT Réttarhöldin yfir Ratko Mladic, „Slátraranum frá Bosníu“ fyrrverandi hershöfðingja Bosníu-Serba, hefjast að öllum líkindum við Alþjóðaglæpadómstólinn í Haag klukkan sjö að íslenskum tíma. Lögmenn hans sóttu um sex mánaða frest, svo hann gæti kynnt sér ákæruatriði betur og til þess að þeir fengju betri undirbúning. Beiðninni hefur ekki verið svarað.

INNLENT Ungur piltur ók á ljósastaur í miðbæ Akureyrar um tvö leytið í nótt. Hann kenndi sér nokkurra meiðsla og leitaði sér aðhlynningar í framhaldinu. Bíllinn er óökufær eftir slysið. Þá voru tveir teknir af lögreglunni á Selfossi í gærkvöldi og í nótt grunaðir um akstur undir áhrifum ávana- og fíkniefna.

INNLENT Biðlistar hafa aldrei verið jafnlangir í endurhæfingu og nú. Fólk þarf að bíða í allt að einn og hálfan mánuð til að komast að.

INNLENT Ef sjávarútvegsfrumvörp ríkisstjórnarinnar verða að lögum getur orðið nauðsynlegt að selja nýjasta skip íslenska skipastólsins úr landi. Það kom fram í ávarpi stjórnarformanns Ísfélags Vestmannaeyja þegar heimkomu HeimaeyjarVE-1 var fagnað í heimahöfn.

INNLENT Ráðstöfunartekjur munu aukast nokkuð á næstunni og hægja mun á atvinnuleysi en hagvöxtur verður að mestu drifinn áfram af vaxandi einkaneyslu, skv. nýrri hagspá ASÍ.

FÓLKIÐ Miðasala á tónleika Sigur Rósar, sem haldnir verða á tónlistarhátíðinni Iceland Airwaves í Laugardalshöll 4.nóvember nk., hefst í dag kl. 12 á vefnum Midi.is.

FÓLKIÐ Hin virta kvikmyndahátíð í Cannes hefst í dag.

INNLENT Þrátt fyrir mikið álag og megna óánægju með launakjör eru 90% forstöðumanna ríkisstofnana ánægð í starfi sínu.

INNLENT Ólafur Ragnar Grímsson forseti reynir ákaft að höfða til þeirra kjósenda sem vilja fá tækifæri til að segja hug sinn í þjóðaratkvæði, segir Stefanía Óskarsdóttir stjórnmálafræðingur.

FÓLKIÐ Í kvöld verður haldin fyrsta sýning af fimm á Just Imagine í Gamla bíói.

INNLENT Krossmessukastið hefur gert strandveiðiköllum lífið erfitt þessa vikuna og fáir hafa róið. Á mánudag var Unnsteinn Þráinsson á Huldu frá Hornafirði sennilega einskipa á miðunum af þessum flota og náði skammtinum þrátt fyrir norðanhret.

INNLENT Norðlæg eða breytileg átt, 3-8 sekúndumetrar, verður á landinu framan af degi, en 5-10 m/s með norðausturströndinni. Skýjað að mestu á Norður- og Austurlandi og dálítil él á stöku stað. Léttskýjað sunnan- og vestanlands. Hiti 1 til 9 stig í dag, svalast á norðaustanverðu landinu.

Morgunblaðið

Nýjustu fréttir