Biden svarar kalli Trumps
Setja bókamerki
Joe Biden Bandaríkjaforseti segist reiðubúinn í kappræður gegn Donald Trump forsetaframbjóðenda. Trump kallaði eftir kappræðum gegn mótherja sínum fyrr í dag og taldi dómhús í New York vænlegan kost til þess að hýsa kappræðurnar.
Trump situr þessa dagana fyrir svörum í New York um meint fjársvik og aðra glæpi í tengslum við þau.
„Ég er, einhvers staðar. Ég veit ekki hvenær.“
Fram að þessu hefur kosningateymi Bidens ekki viljað staðfesta þátttöku hans í kappræðum gegn Trump eins og hefð er fyrir í aðdraganda forsetakosninga vestanhafs.
Biden sagði í viðtali við útvarpsmanninn kunna Howard Stern að hann myndi glaður etja kappi við Trump, en bætti við:
„Ég er, einhvers staðar. Ég veit ekki hvenær.“
Trump svaraði Biden og sagði tilbúinn að rökræða við hann hvenær sem er og hvar sem er. Hann sagði á samfélagsmiðlinum Truth Social, sem er í eigu Trumps, að hann væri: „fastur í einum þeirra fjölmarga dómsmála sem Biden hvatti til, til þess að TRUFLA KOSNINGAFERLIÐ Á KOSTNAÐ PÓLITÍSKS ANDSTÆÐINGS - GEGNUMGANGANDI NORNAVEIÐAR.“
Þá bætti hann við: „Veistu, höldum kappræðurnar í dómshúsinu í kvöld - frammi fyrir alþjóð, ég bíð!“
„Verulega brugðið að sjá þennan þátt“
Isavia íhugar viðbrögð við sýknudómi Hæstaréttar
„Höfum verk að vinna en ég er bjartsýnn“
Sr. Guðrún nýr biskup
Áfram í haldi grunaður um manndráp
Kjarnavopn úr greipum manna?