Brimnesið yfir 10.000 tonn á árinu

Frystitogarinn Brimnes hefur landað um 10.700 tonnum á árinu 2016.

Skipið var á rækjuveiðum um tveggja mánaða skeið fyrr á árinu og skemmst er frá því að segja að ekki lögðu þær veiðar mikið til heildarafla ársins.

Þá fór Brimnesið í slipp norður á Akureyri og var frá veiðum af þeim sökum í um 6 vikur, svo með hliðsjón af þessum frávikum verður frammistaða Brimnessmanna að teljast glimrandi fín.

Skipið veiddi og landaði rúmum 5.200 tonnum af makríl í sumar og haust, og þau ríflega 5.500 tonn sem eftir standa eru bolfiskafli.

• Blogga um frétt