Bjarni: Þróa þarf leiðir til að komast úr öngstræti

Bjarni Benediktsson forsætisráðherra í viðtali í Silfrinu á RÚV í ...
Bjarni Benediktsson forsætisráðherra í viðtali í Silfrinu á RÚV í morgun. Skjáskot/RÚV

„Það er ekki uppi sú krafa af hálfu þessara deiluaðila að ríkið höggvi á hnútinn með aðkomu sinni, sú krafa hefur ekki verið að berast til mín,“ sagði Bjarni Benediktsson forsætisráðherra í viðtali við Fanneyju Birnu Jónsdóttur í nýjum umræðuþætti RÚV, Silfrinu, spurður hvort ríkið ætlaði að blanda sér í sjómannadeiluna með einhverjum hætti.

„Það sem mér finnst að við eigum að spyrja okkur, svona í ljósi þessa verkfalls sem kemur á eftir mörgum öðrum verkföllum sem við höfum gengið í gegnum á undanförnum árum, er einfaldlega það hvort við þurfum ekki að fara að endurskoða þennan ramma vinnumarkaðarins, sem virðist ekki hafa fram að færa neinar leiðir til þess að höggva á hnútinn þegar það er stál í stál.“

Hann sagði oft „rosalega stöðu“ hafa komið upp í verkföllum, t.d. þegar loka hafi þurft skurðstofum í læknaverkfallinu og þegar börn hafi ekki fengið kennslu í kennaraverkföllum, jafnvel mánuðum saman. 

„Núna stöndum við frammi fyrir því að ein af okkar mikilvægustu auðlindum er ekki nýtt svo mánuðum skiptir vegna þess að menn koma sér ekki saman um það á vinnumarkaði hvernig eigi að skipta hlutnum. Þetta hlýtur að vera okkur umhugsunarefni.“

Spyrja þurfi hvort ekki séu einhverjar brotalamir í vinnumarkaðsmódelinu hér á landi. „Í því sambandi er oftast talað um að við gætum stóraukið vald ríkissáttasemjara, að við gætum þvingað menn til að hlíta hinu almenna merki markaðarins um svigrúm til launahækkana, ef menn ná ekki niðurstöðu í samningum. Þetta er auðvitað mjög viðkvæmt útfærsluatriði og ég er ekki hérna að boða einhverja meiri háttar uppstokkun en þetta er í raun kjarni þess samtals sem hefur verið í gangi undanfarin ár undir merkjum SALEK, milli almenna og opinbera markaðarins og stjórnvalda.“

Bjarni sagði að því miður væri „dálítið frost“ í því samtali núna, „en það miðar að því að við færum okkur nær norræna módelinu og að þróa og þroska leiðir til að komast út úr svona öngstræti.“

Bjarni gaf svo afdráttarlaust svar um aðkomu ríkisins að sjómannadeilunni: „Við erum ekki að íhuga að grípa inn í þessa deilu, við viljum allt gera til að hjálpa til.“

Bjarni sagði ekki áhuga á því að taka upp sjómannaafsláttinn aftur. „Það hefur verið mjög skýr lína af minni hálfu. Við erum ekki að fara að tala um sjómannaafslátt að nýju.“

mbl.is

Bloggað um fréttina

Afurð Dags. Meðalverð
Þorskur, óslægður 20.10.17 261,25 kr/kg
Þorskur, slægður 20.10.17 291,55 kr/kg
Ýsa, óslægð 20.10.17 273,88 kr/kg
Ýsa, slægð 20.10.17 262,41 kr/kg
Ufsi, óslægður 20.10.17 71,88 kr/kg
Ufsi, slægður 20.10.17 118,33 kr/kg
Djúpkarfi 15.9.17 141,00 kr/kg
Gullkarfi 20.10.17 159,99 kr/kg
Litli karfi 17.10.17 14,00 kr/kg
Blálanga, óslægð 20.10.17 248,03 kr/kg

Fleiri tegundir »

21.10.17 Otur Ii ÍS-173 Landbeitt lína
Þorskur 2.224 kg
Ýsa 1.260 kg
Langa 308 kg
Karfi / Gullkarfi 63 kg
Steinbítur 42 kg
Keila 32 kg
Skarkoli 17 kg
Hlýri 6 kg
Samtals 3.952 kg
21.10.17 Vigur SF-080 Lína
Þorskur 408 kg
Karfi / Gullkarfi 81 kg
Hlýri 64 kg
Keila 57 kg
Ýsa 36 kg
Samtals 646 kg
21.10.17 Særif SH-025 Landbeitt lína
Þorskur 812 kg
Ýsa 271 kg
Keila 30 kg
Náskata 22 kg
Hlýri 21 kg
Karfi / Gullkarfi 3 kg
Steinbítur 1 kg
Lýsa 1 kg
Samtals 1.161 kg

Skoða allar landanir »