Verbúðir hýsa ísbúðir, ekki trillukarla

Margir smábátasjómenn hafa misst aðstöðu sína í verbúðunum við Grandagarð og neyðst til að fara annað, m.a. í Mosfellsbæ.

Mikil uppbygging hefur verið á svæðinu og ásýnd þess breyst mjög í kjölfar örs vaxtar ferðaþjónustu í miðborginni. Verbúðir hýsa nú ísbúðir og veitingastaði í stað aðstöðu fyrir smábátasjómenn.

Formaður Smábátafélags Reykjavíkur segir að huga verði að framtíðinni og ekki megi þrengja um of að hafsækinni starfsemi við Reykjavíkurhöfn. Í umfjöllun um aðstöðumál smábátasjómanna í Reykjavík í í Morgunblaðinu í dag segir aðstoðarhafnarstjóri Faxaflóahafna það eilífan dans að samþætta sjávarútvegsstarfsemi og annan rekstur á Granda.