Endurnýjun íslenska flotans vekur athygli
Setja bókamerki
Yfirstandandi endurnýjun íslenska fiskiskipaflotans hefur ekki farið fram hjá erlendum fyrirtækjum. Áhugi þeirra á þátttöku í Íslensku sjávarútvegssýningunni hefur stóraukist miðað við síðustu ár, að sögn Marianne Rasmussen-Coulling, stjórnanda sýningarinnar sem haldin verður í september.
Hlutur erlendra fyrirtækja í fjölda sýningarbása hefur þannig aukist um 41% frá síðustu sýningu en alls koma fyrirtækin frá að minnsta kosti 18 löndum í ár, segir Rasmussen-Coulling í samtali við mbl.is.
Til dæmis má nefna að Danir munu taka tvisvar sinnum það pláss sem þeir tóku árið 2014, Norðmenn um 50% meira pláss, auk þess sem talsvert meira mun fara fyrir Færeyingum og Bretum.
Meðal nýrra fyrirtækja sem taka þátt í sýningunni í ár eru skipasmíðastöðvarnar Astilleros Armon frá Spáni og Cemre frá Tyrklandi, netagerðarfyrirtækin Fibras Industriales frá Perú og Siang May frá Singapúr og tækjaframleiðandinn Reintjes frá Belgíu, svo dæmi séu tekin.
Sýningin fer fram dagana 13.-15. september en nánari upplýsingar má nálgast á heimasíðu hennar, icefish.is.
Skaut sex sinnum að feðginum á aðfangadagskvöld
Hvorki sést áður hér á landi né annars staðar
Bergnuminn í Hvalfirði
Krefjast stöðvunar framkvæmda
Frambjóðendur skila inn listum í Hörpu
Telur forsendur fyrir vaxtalækkun
Kaldasti veturinn kom að óvörum
Banna mengandi búnað sem leyfður er á Íslandi