„Ætla má að árlegar tekjur af laxveiði þriggja áa í Ísafjarðardjúpi séu 25 milljónir króna. Útflutningstekjur af 30.000 tonna laxeldi í Djúpinu eru taldar vera um 25 milljarðar króna. Þær eru þúsund sinnum meiri.“ Þetta segir Kristinn H. Gunnarsson, fyrrverandi alþingismaður fyrir Norðvesturkjördæmi, í pistli sem birtist á 200 mílum í dag.

Segir hann enn fremur að það sé fjarri lagi að náttúrulegur laxastofn umræddra áa sé nýttur á sjálfbæran hátt.

„Hafa ber í huga að sjálfbær nýting þýðir að náttúran sjálf er látin um það að ráða hver stofnstærð er á hverjum tíma og að ekki sé tekið meira úr stofninum en svo að stofninn haldi stærð sínum og styrk,“ skrifar Kristinn.

„Það er öðru nær í þessum þremur tilvikum. Í árnar er sleppt seiðum til þess að auka stærð stofnsins og gera hann verðmætari sem veiðistofn. Ef sleppinga nyti ekki við væri veiðin snöggtum minni. Þetta er ekki sjálfbær nýting heldur mannlegt inngrip í gangvirki náttúrunnar. Þetta inngrip er ekki af umhyggju fyrir náttúrunni heldur af efnahagslegum hvötum.“

Pistill Kristins í heild sinni

Tengdar fréttir

Fiskeldi

Aldrei meira til Austfjarða úr fiskeldissjóði

• Björk varar við frumvarpi ríkisstjórnarinnar
• „Margt hefur nú ekki beinlínis verið til fyrirmyndar“
• Segir nýtt frumvarp gefa eldisfyrirtækjum auðlindir
• Laxey fær sex milljarða

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Deilan snýst um sjókvíaeldi, ekki um fiskeldi.