„Óskiljanlegt“ að þetta hafi ekki gerst fyrr

Frá stofnun Knarr Russia í St. Pétursborg á föstudag.
Frá stofnun Knarr Russia í St. Pétursborg á föstudag. Ljósmynd/Aðsend

„Við sjáum nú þegar mikinn áhuga í Rússlandi að nýta það hugvit sem gert hefur íslensk sjávarútvegsfyrirtæki með þeim bestu í heiminum. Það er eiginlega óskiljanlegt af hverju íslensk tæknifyrirtæki hafa ekki slegið sig saman fyrr til að bjóða heildarlausnir í rekstri sjávarútvegsfyrirtækja hvort sem er á landi eða sjó.“

Þetta segir Finnbogi Jónsson, stjórnarformaður íslenska einkahlutafélagsins Knarr Maritime Consortium, sem ásamt rússneskafyrirtækinu Raduga Industrial & Commercial Group hefur stofnað nýtt markaðsfyrirtæki á sviði skipalausna, Knarr Russia.

Tilkynnti Þorgerður Katrín Gunnarsdóttir sjávarútvegsráðherra um stofnun fyrirtækisins á sjávarútvegssýningu í St. Pétursborg í Rússlandi á föstudag.

Knarr Maritime á aðeins innan við sex mánaða sögu, þó íslensku fyrirtækin sex sem að því standa hafi átt í ýmiss konar samstarfi í mörg ár.

„Má þar nefna samstarf við hönnun, smíði og uppsetningu vinnslustöðva innanlands og erlendis. Auk þess hafa flest fyrirtækin tekið virkan þátt í smíði þeirra skuttogara sem á síðustu árum hafa verið smíðuð fyrir íslensk sjávarútvegsfyrirtæki,“ segir í tilkynningu frá fyrirtækinu.

Bindur miklar vonir við samstarfið

Boris Ivanov, stjórnarformaður Raduga Group, segist þá binda mikla vonir við samstarf Íslendinga og Rússa. Hann er sagður þekkja mjög vel íslenskt efnahagslíf enda oft komið til Íslands og verið ræðismaður Íslands í St. Pétursborg í mörg ár.

„Ég hef átt viðskipti við rússneskar skipasmíðastöðvar í tvo áratugi og ég finn að það er mikill áhugi á samstarfi við Íslendinga.“

Haraldur Árnason, framkvæmdastjóri Knarr Maritime, segir fyrirtækin munu geta boðið heildarlausnir fyrir fiskiskip af ýmsum stærðum og gerðum, allt eftir óskum hvers kaupanda fyrir sig.

„Viðskiptavinir okkar geta á einum stað nálgast allt það besta við fiskveiðar sem Íslendingar hafa fram að færa, hvort heldur vinnslan fer fram um borð í veiðiskipi eða í landi,“ segir Haraldur.

mbl.is
Afurð Dags. Meðalverð
Þorskur, óslægður 19.10.17 268,63 kr/kg
Þorskur, slægður 19.10.17 267,11 kr/kg
Ýsa, óslægð 19.10.17 271,87 kr/kg
Ýsa, slægð 19.10.17 226,79 kr/kg
Ufsi, óslægður 19.10.17 89,54 kr/kg
Ufsi, slægður 19.10.17 129,17 kr/kg
Djúpkarfi 15.9.17 141,00 kr/kg
Gullkarfi 19.10.17 164,87 kr/kg
Litli karfi 17.10.17 14,00 kr/kg
Blálanga, óslægð 18.10.17 126,00 kr/kg

Fleiri tegundir »

19.10.17 Hafrún HU-012 Dragnót
Ýsa 2.874 kg
Þorskur 427 kg
Skarkoli 40 kg
Steinbítur 3 kg
Karfi / Gullkarfi 2 kg
Samtals 3.346 kg
19.10.17 Dísa HU-091 Handfæri
Ufsi 848 kg
Þorskur 304 kg
Karfi / Gullkarfi 5 kg
Samtals 1.157 kg
19.10.17 Gullhólmi SH-201 Lína
Ýsa 1.531 kg
Þorskur 88 kg
Langa 63 kg
Keila 43 kg
Hlýri 22 kg
Tindaskata 7 kg
Steinbítur 6 kg
Lýsa 4 kg
Ufsi 3 kg
Karfi / Gullkarfi 2 kg
Samtals 1.769 kg

Skoða allar landanir »