Vinnsla kolmunna hafin hjá HB Granda

Frá kolmunnaveiðum á Víkingi AK. Mynd úr safni.
Frá kolmunnaveiðum á Víkingi AK. Mynd úr safni. Ljósmynd/Börkur Kjartansson

„Skipin komu inn vegna brælu á miðunum og slæms veðurútlits og voru því með minni afla en ella.“ Þetta segir Sveinbjörn Sigmundsson, verksmiðjustjóri hjá HB Granda á Vopnafirði, en vinnsla á kolmunna er hafin þar eftir að Venus NS og Víkingur AK komu til hafnar með um 800 tonna afla.

Að sögn Sveinbjörns er um að ræða hið besta hráefni, feitan og fallegan fisk. Á hann von á því miðað við kvótastöðuna að kolmunnaafli muni duga verksmiðjunni vel fram í næsta mánuð.

„Framhaldið veltur auðvitað mest á því að kolmunninn gefi sig til og á tíðarfarinu. Mér skilst að vertíðin hafi byrjað vel út af Seyðisfirði en síðan hafi aflinn dregist saman. Það má vel vera að fara þurfi dýpra og lengra eftir kolmunnanum en það kemur í ljós á næstu dögum og vikum,“ er haft eftir Sveinbirni á vef HB Granda.

Reiknar hann með því að lokið verði við vinnslu á aflanum í nótt. Venus og Víkingur eru nú á miðunum en bæði skipin fóru frá Vopnafirði í gær.

Það sem af er ári hefur verksmiðjan á Vopnafirði alls unnið úr tæplega 69 þúsund tonnum af hráefni og hefur starfsemin gengið vel. Verksmiðjan nýtir alfarið umframrafmagnsorku til framleiðslunnar og hefur framboð raforku verið það tryggt að ekki hefur þurft að grípa til þess að keyra verksmiðjuna með olíu, að því er fram kemur á vef útgerðarinnar.

mbl.is
Afurð Dags. Meðalverð
Þorskur, óslægður 19.11.17 264,32 kr/kg
Þorskur, slægður 19.11.17 330,29 kr/kg
Ýsa, óslægð 19.11.17 249,93 kr/kg
Ýsa, slægð 19.11.17 255,50 kr/kg
Ufsi, óslægður 19.11.17 98,40 kr/kg
Ufsi, slægður 19.11.17 110,35 kr/kg
Djúpkarfi 16.11.17 35,00 kr/kg
Gullkarfi 19.11.17 151,89 kr/kg
Litli karfi 1.11.17 9,00 kr/kg
Blálanga, óslægð 19.11.17 196,50 kr/kg

Fleiri tegundir »

20.11.17 Onni HU-036 Dragnót
Þorskur 1.276 kg
Skarkoli 115 kg
Ýsa 44 kg
Samtals 1.435 kg
20.11.17 Kaldi SK-121 Þorskfisknet
Þorskur 1.018 kg
Ýsa 430 kg
Samtals 1.448 kg
20.11.17 Indriði Kristins BA-751 Lína
Þorskur 7.571 kg
Ýsa 699 kg
Samtals 8.270 kg
20.11.17 Hafdís SU-220 Lína
Þorskur 4.166 kg
Ýsa 1.738 kg
Keila 44 kg
Karfi / Gullkarfi 2 kg
Samtals 5.950 kg

Skoða allar landanir »