Aðeins þrjú íslensk fiskiskip á sjó

Rólegt var á Íslandsmiðum yfir hátíðirnar. Samkvæmt upplýsingum frá stjórnstöð Landhelgisgæslunnar var aðeins eitt íslenskt skip á sjó á hádegi á aðfangadag og var þar á ferðinni Vestmannaeyjaferjan Herjólfur.

Í gærmorgun, á öðrum degi jóla, voru aðeins þrjú íslensk fiskiskip á sjó og voru það allt dagróðrarbátar samkvæmt upplýsingum frá Landhelgisgæslunni.

Farþegabátar gerðu út frá Reykjavíkurhöfn á jóladag og annan í jólum, bæði í hvalaskoðun og norðurljósaferðir. Hilmar Stefánsson, framkvæmdastjóri Special Tours, segir að á annað þúsund farþegar hafi farið í sjóferðir frá Reykjavíkurhöfn þessa tvo daga.

Frétt af mbl.is

Aðeins eitt íslenskt skip á sjó