Stefán Eiríksson útvarpsstjóri segir að ekki sé búið að svara erindi Samherja frá í gær þar sem lögmaður Samherja fór fram á að skýrsla, sem notuð var sem aðalgagn í umfjöllun Kastljóss um Samherja árið 2012, verði afhent lögmanni fyrirtækisins. Lögmaður Samherja segir í bréfinu að afhendi RÚV ekki skýrsluna innan fimm daga muni málinu skotið til úrskurðarnefndar upplýsingalaga. Útvarpsstjóri segir að verið sé að undirbúa svar við erindi Samherja.

Frétt af mbl.is

Óska eftir að skýrslan verði afhent Samherja

 „Við erum auðvitað bara að vanda okkur við þetta eins og í öllu öðru sem við tökum okkur fyrir hendur.“ Þetta sagði útvarpsstjóri í samtali við mbl.is í dag. Hann sagði jafnframt að erindi lögmanns Samherja verði svarað en að það svar sé bara í vinnslu. „Þetta eru bara gögn frá stjórnvaldi sem um ræðir og þessi gögn eru alveg til, það fer ekkert á milli mála.“

Samherji birti á dögunum myndband þar sem Helgi Seljan, fréttamaður RÚV, er sakaður um að hafa falsað umrædd gögn við gerð kastljósþáttar þar sem fjallað var um meint brot Samherja á gjaldeyrislögum.

Frétt af mbl.is

Skilur ekki ákall Samherja um birtingu gagna

Gögnin sem um ræðir komu frá Verðlagsstofu skiptaverðs og hefur sú stofnun staðfest að gögnin séu til. Þau hafi verið „excel-skjal“ en ekki eiginleg skýrsla.

Helgi Seljan hefur áður sagt að gögnin í málinu hafi verið birt áður. Þau hafi bæði verið sýnd í kastljósþætti þann 27. mars 2012 og einnig í myndbandi Samherja þar sem brot úr kastljósþættinum er sýnt. Þar bregður gögnunum fyrir. Þetta ítrekaði Stefán Eiríksson útvarpsstjóri í samtali við mbl.is í dag.

Tengdar fréttir

Samherji

Mikilvægt að treysta viðskiptasamböndin

• Söfnuðu mottum og hálfri milljón
• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Hliðarveruleiki Stefáns og Helga á RÚV