„Sýnir ógeðfellda hlið sjókvíaeldis á Íslandi“
Setja bókamerki
/frimg/1/44/18/1441801.jpg)
„Nýlegt myndefni kajakræðarans Veigu Grétarsdóttur, staðfestir að opið sjókvíaeldi sé tifandi tímasprengja í íslensku umhverfi og þjóðlífi,“ segir í tilkynningu frá Verndarsjóði villtra laxastofna, North Atlantic Salmon Fund (NASF) á Íslandi.
Þá segir að umrætt myndefni „sýnir ógeðfellda hlið sjókvíaeldis á Íslandi sem hefur fram að þessu verið hulin almenningi, mikið særðan lax og óhreinar kvíar en að auki hafi komið fram að mikið rusl berist á land.“ Vísar sjóðurinn til mynda og myndbanda sem fyrst voru sýnd í kvöldfréttum RÚV á laugardag.
Fullyrt er í tilkynningunni að ekki sé þannig að öllum fiski úr sjókvíunum sé slátrað. „Stór hluti deyr alltaf úr þrengslum, sjúkdómum og sníkjudýrum án þess að neytendur hafi vitneskju um hvílíkar efnalaugar opnar sjókvíar eru. Sem dæmi drápust um 400.000 laxar í íslenskum sjókvíum í júní á þessu ári og 1.350.000 laxar hafa drepist í sjókvíum það sem af er þessu ári.“
Þegar hefur borið á slysasleppingum og erfðablöndun að sögn sjóðsins sem segir slíkt geta útrýmt villta laxastofninum. Þá sé „aðeins ein leið eldis á laxi [sem] tryggir viðgang náttúru og efnahagslífs“ og er bent á landeldi. „Sjókvíaeldi er úreld og óumhverfisvæn framleiðsluaðferð. Nauðsynlegt er því að banna laxeldi í opnum kvíum áður en orðspor Íslands sem upprunaland hreinna afurða laskast og erlendar verslanir loka á innflutning á laxi vegna umhverfis- og dýraverndunarsjónarmiða.“
Fjöldi brota ríflega sexfaldaðist
Breytingar á skipulagi fréttadeildar RÚV
Norskur lögreglumaður dæmdur
/frimg/1/29/32/1293273.jpg)
Ekki af baki dottinn og ætlar að opna B5 aftur
Þyngri refsing fyrir að nauðga stjúpdóttur æskuvinar
Mál hjúkrunarfræðingsins fer aftur fyrir héraðsdóm
Bregðast við vopnahléstillögu á morgun