Skerðing þorskkvóta ígildi veiða 10 togara
Setja bókamerki
Frá fiskveiðiárinu 2019/2020 til fiskveiðiársins 2022/2023, sem hófst í september síðastliðnum, hefur þorskkvótinn verið skertur um 24% eða 50 þúsund tonn af slægðum afla.
Skerðingin í þorski er jafn mikil og tíu aflamestu togararnir fiskveiðiárið 2019/2020 lönduðu af tegundinni það ár, að því er fram kemur í umfjöllun Morgunblaðsins í dag.
Samhliða skerðingum í þorski hafa aflaheimildir í gullkarfa verið skertar um 42%, auk þess sem 49% skerðing hefur átt sér stað í djúpkarfa.
Útgerðir hafa aðlagað veiðarnar skerðingunum með því að fækka skipum, fækka úthaldsdögum og aukið sókn í aðrar tegundir. Tilkynnti meðal annars Vinnslustöðin í dag að útgerð Brynjólfs VE hefur verið hætt.
Nýverið tilkynnti Samherji að Harðbaki EA, einn af aflamestu togurum landsins, hafi verið lagt tímabundið vegna skorts á aflaheimildum, en áhöfninni hefði verið fundin störf á öðrum skipum félagsins. Þá var tilkynnt í september síðastliðnum að útgerð Stefnis ÍS yrði hætt af sömu ástæðum.
Lesa má meira um málið í Morgunblaðinu í dag.
Laugavegur hjólaferðamannsins að fæðast
Fjöldi brota ríflega sexfaldaðist
Ók á ofsahraða á móti umferð og uppi á stétt
Þetta eru hjólaframkvæmdirnar sem unnið er að
Norskur lögreglumaður dæmdur
Ólíkt ákall fólks á landsbyggðinni