Skáru á veiðarfæri Hrafns sem var í háska

„Nauðsynlegt reyndist að skera á veiðarfæri skipsins úti fyrir Straumnesi í morgun og hefja drátt þegar í stað því hafís var komin nálægt togaranum og varðskipinu Freyju,“ segir í færslu Landhelgisgæslu Íslands um hvernig leysa þurfti vanda togarans Hrafns Sveinbjarnarsonar í dag. 

Eins og greint var frá á mbl.is í dag barst Landhelgisgæslunni útkall vegna aflvana togara úti 50 sjó­míl­ur norð-norðvest­ur af Straumsnesi í nótt. Varðskipið Freyja varð við útkallinu en forseti Íslands, Guðni Th. Jóhannesson, var um borð í skipinu. 

Guðni frá borði á morgun  

Fram kemur í tilkynningu frá gæslunni að viðgerð hafi tekist síðdegis og siglir skipið nú á eigin vélarafli. Togarin heldur nú til Hafnarfjarðar þar sem gert er ráð fyrir nú veiðafæri verði sótt. 

„Freyja heldur nú norður fyrir land og ráðgert er að Guðni Th. Jóhannesson, forseti Íslands, fari frá borði á morgun,“ segir í færslunni.