Nissan Qashqai vinsæll

Nissan Qashqai er vinsælasti jepplingur landsins það sem af er árinu samkvæmt mánaðarlegri samantekt Umferðarstofu. Til og með júlí 2012 hafa selst 185 Nissan Qashqai-jepplingar en sá sem næstur kemst í þessum flokki bíla er Ford Kuga með 93 bíla selda. Aðrir bílar í þessum flokki hafa selst minna. Mikið hefur verið selt af bílum í þessum flokki til bílaleigna en Nissan Qashqai er einnig mest seldi jepplingurinn til einstaklinga.

Það er ekki bara á Íslandi sem Nissan bílar seljast eins og heitar lummur því sala Nissan í Evrópu hefur vaxið um 5% það sem af er árinu þrátt fyrir minni heildarsölu bíla í Evrópu í ár. Það sem af er árinu hefur Nissan selt 366.000 í Evrópu eða 18.000 fleiri bíla en á sama tíma árið 2011. Söluhæstu bílarnir hjá Nissan eru fjórhjóladrifnu Qashqai-jepplingarnir og Juke, sem er enn minni jepplingur, en þeir njóta mikilla vinsælda meðal ungra kaupenda og fjölskyldufólks.

• 1 blogg um fréttina

Bloggað um fréttina

• Ómar Ragnarsson: Vel heppnaður bíll.