Fjórdrifinn bíll sem beðið er eftir
Mazda6 af árgerðinni 2015 fæst m.a. með drifi á öllum fjórum.
Setja bókamerki
Með aukinni eftirspurn og sölu á fjórdrifnum bílum þykir vel horfa fyrir Mazda og er bæði nýja CX-3 jepplingnum og 2015 árgerðinni af Mazda6 spáð velgengi.
Mazda 6 býðst fjórdrifinn á næsta ári, með nýþróðum AWD-drifbúnaði. Verður bíllinn boðinn bæði með handskiptingu og sjálfskiptingu. Segist Mazda hafa bætt akstursþægindi í bílnum og með nýju fjöðrunarbúnaði hafi meðal annars tekist að gera bílinn 10% hljóðlátari á grófu undirlagi og 25% hljóðlátari á hraðbrautum.
Þá hefur öryggiskerfið i-ACTIVSENSE verið aukið og endurbætt og nemur blindhornsskynjari til að mynda stærra svæði en áður.
Innanrými Mazda6 er nú búið gæðameiri efnum.
Mazda CX-3 jepplingurinn sviptur hulum í Los Angeles í síðasta mánuði.
mbl.is/afp
