Keppt var í nýrri torfærugrein á Hellu um hvítasunnughelgina, torfæru á fjórhjólum, öðru nafni buggykeppni.
Keppnin þótti takast með eindæmum vel og segja aðstandendur hennar, að þetta keppnisform sé komið til að vera.
Það var Flugbjörgunarsveitin á Hellu sem stóð fyrir keppninni í samstarfi við Vélhjólaíþróttaklúbbinn (VÍK).
Keppt var í tvemur flokkum bíla með 800 rúmsentímetra slagrými og 1000 rúmsentímetra.
Tólf keppendur mættu til leiks og höfðu allir gaman af, en úrslit urðu þessi:
800cc flokkur:
Jón Berg Reynisson á Polaris með 943 stig, en fleiri mættu ekki í þennan flokk.
1000cc flokkur:
Grettir Rúnarsson á Canam með 1801 stig
Jón G Margeirsson á Polaris með 1410 stig
Birgir Guðjónsson á Polaris með 1264 stig
Tilþrifaverðlaun hlaut svo Kristinn Bergsson á Arctic Cat en hann sló lítið af yfir daginn þrátt fyrir að vera fara fram af háum börðum eða fleita yfir vatn.