Akstursíþróttaklúbburinn Start á Egilsstöðum hélt 3. umferð Íslandsmótsins í Torfæru á Egilsstöðum um helgina. Um eittþúsund manns voru á svæðinu og fylgdust með miklum tilþrifum torfærukappanna 16 sem kepptu í þremur flokkum.
Í sérútbúnaflokknum sigraði Snorri Þór Árnason á Kórdrengnum eftir öruggan og flottan akstur alla keppnina. Snorri hefur tekið góða forystu í Íslandsmótinu eftir þessa umferð en hann hefur unnið tvö mót og orðið í öðru sæti í því þriðja.
Helgi Garðarsson á Spiderman varð annar eftir tilþrifamikinn akstur. Þetta var hans fyrsta keppni en hann hefur verið aðstoðarmaður lengi hjá mörgum bílum frá Norðurlandi. Helgi hlaut einnig tilþrifaverðlaunin í þessum flokki.
Heimamaðurinn Kristmundur Dagsson á Tímaur endaði svo í þriðja sæti en hann velti m.a. tvisvar sinnum þennan dag, en var einn af fáum sem kláraði erfiða fimmtu braut.
Í sérútbúnagötubílaflokknum varð hlutskarpastur Bjarki Reynisson á Dýrinu. Hann tók mikla veltu í fjórðu braut en stóð engu að síður uppi sem siguvegari. Jón Vilberg Gunnarsson á Snáðanum endaði í öðru sæti í keppninni en hlaut tilþrifaveðlunin í flokknum. Aron Ingi Svansson á Zombie varð svo þriðji, en aðeins þessir þrír kepptu í þessum flokki.
Í götubílaflokknum sigraði Ívar Guðmundsson á Kölska en hann hefur unnið öll mótin þrjú til þessa og hefur góða forystu í baráttunni um Íslandsmeistaratitillinn. Eðvald Orri Guðmundsson á Pjakknum varð annar þrátt fyrir að velta einu sinni og verða fyrir öxulbroti.
Steingrímur Bjarnason á Strumpnum varð svo í þriðja sæti í keppninni en hann hlaut tilþrifaveðlaunin í þessum flokki.
Næsta torfærukeppni fer fram á Blönduósi 11. júlí í umsjá Torfæruklúbbs Suðurlands.
Í heildina urðu úrslitin á Egilsstöðum sem hér segir:
Sérútbúinn flokkur
1. Snorri Þór Árnason - Kórdrengurinn 1508 stig
2. Helgi Garðarsson - Spiderman 1100 stig
3. Kristmundur Dagsson - Tímaur 971 stig
4. Guðlaugur Sindri Helgason - Galdragulur 819 stig
5. Elmar Jón Guðmundsson - Heimasætan 715 stig
6. Guðni Grímsson - Kubbur 700 stig
7. Valdimar Jón Sveinsson - Crash Hard 586 stig
8. Alexander Már Steinarsson - All-inn 525 stig
9. Haukur Viðar Einarsson - Taz 320 stig
10. Ingólfur Guðvarðarson - Guttinn Reborn 60 stig
Sérútbúnir Götubílar
1. Bjarki Reynisson - Dýrið 1010 stig
2. Jón Vilberg Gunnarsson - Snáðinn 985 stig
3. Aron Ingi Svansson - Zombie 650 stig
Götubílaflokkur
1. Ívar Guðmundsson - Kölski 1320 stig
2. Eðvald Orri Guðmundsson - Pjakkurinn 1070 stig
3. Steingrímur Bjarnason - Strumpurinn 850 stig
Á eftirfarandi myndskeiðum Jakobs Cecils Hafsteinssonar má sjá sigurvegara í hverjum flokki á ferð: