Eignaðist þriðja barnið 44 ára

Leik­kon­an Milla Jovovich er sögð hafa eignast sitt þriðja barn með eiginmanni sínum, leikstjóranum Paul W.S. And­er­son, að því fram kemur á vef Us Weekly. Fyrir eiga þau hjónin dæturnar Ever og Dashiel sem eru fæddar árin 2007 og 2015. 

Jovovich og Anderson misstu fóstur fyrir tveimur árum og hefur Jovovich talað um hversu heppin hún er að ganga með barn á þeim aldri sem hún er á. 

Um helgina greindi hún frá því á Instagram að hún væri við það að fara upp á spítala til þess að eignast sitt þriðja barn. „Ég hélt að það yrði ekkert mál að eignast þriðja barnið en ég er í rauninni mjög stressuð nú þegar ég veit við hverju er að búast,“ sagði Jovovich og vonaði að næsta mynd yrði mynd af litlu stúlkunni. 

Frétt af mbl.is

Kraftaverk að vera 44 ára og ólétt

• 1 blogg um fréttina

Bloggað um fréttina

• Jóhannes Ragnarsson: Kerlingarrokkurin vanfær á sjötugasta og sjöunda aldursári