Öldruð kona í Stokkhólmi hefur hýst 11 svani í 25 fermetra íbúð sinni í miðborginni í sex ár. Svanirnir voru meiddir þegar konan tók þá að sér. Lögreglan komst á snoðir um þetta og eru svanirnir nú í dýraathvarfi en konan verður að öllum líkindum kærð fyrir slæma meðferð á dýrum.
„Það er mikið afrek að flytja 11 stóra svani milli staða þar sem þeir eru ekki þekktir fyrir að vera skapgóðir,“ segir lögreglufulltrúinn Björn Engström í samtali við Reuters fréttastofuna.