Allir miðar á tónleikaröð hljómsveitarinnar The Police í Bretlandi seldust upp samdægurs og miðasala hófst, alls seldust um 120.000 miðar og seldust þeir síðustu um klukkutíma eftir að miðasala hófst. Sagt er frá þessu á vef tónlistartímaritsins NME.
Hljómsveitin kom fram á Grammy-verðlaunahátíðinni í janúar sl. en hafði þá ekki komið fram opinberlega síðan árið 1984 þegar hljómleikaferð þeirra til kynningar plötunni Synchronicity lauk.
Sveitin heldur fjóra tónleika í Bretlandi á ferð sinni en heldur einnig tónleika m.a. í Svíþjóð, Hollandi, Belgíu, Danmörku, Þýskalandi og Bandaríkjunum.