Hafa áhyggjur af áhuga Britneyjar á húðflúri

Fjölskylda Britneyjar Spears hefur talsverðar áhyggjur af því hvað stúlkan hefur orðið mikinn áhuga á húðflúri, en hún hefur látið setja á sig nokkrar myndir síðan hún lauk áfengismeðferðinni, að því er fregnir herma.

Haft er eftir heimildamanni að Britney noti húðflúrið til sjálfstjáningar. Á undanförnum vikum hafi hún fengið sér að minnsta kosti tvö, og vilji fá fleiri. Móður hennar hafi tekist að telja hana ofan af því að láta flúra englavængi á bakið á sér, en hefur reynt að draga úr húðflúrsáhuga dótturinnar.

Þá berast ennfremur þær fregnir af Britneyju að hún hafi látið hvítta í sér tennurnar. Í gær hafi hún í annað sinn sest í stólinn hjá tannlækni fræga fólksins, Bill Dorfman, að því er Access Hollywood greinir frá, en TMZ.com fullyrðir að það hafi verið vegna tannpínu sem enn hrjái stúlkuna.

• 1 blogg um fréttina

Bloggað um fréttina

• Þorsteinn Gunnarsson: Gott að ekkert annað er að...