Alba og Timberlake á lista yfir stjörnur með mestan kynþokka

Jessica Alba og Justin Timberlake eru í hópi frægra á lista Victoria´s Secret yfir stjörnur með mestan kynþokka. David Beckham er mest sexí pabbinn. Listinn ber yfirskriftina „Hvað er kynþokki?“ og var birtur í gær.

Alba er samkvæmt listanum sú leikkona sem mestan kynþokka hefur, og Timberlake er mest sexí söngvarinn. Matthew McConaughey var útnefndur fyrir „strandarlíkama“ sinn. Meðal annarra á listanum var Kate Hudson, sem útnefnd var sem mamman með mesta kynþokkann.

Á listanum var fólk úr skemmtanabransanum og íþróttaheiminum. Það var hópur framkvæmdastjóra og hönnuða hjá Victoria´s Secret sem valdi á listann, með aðstoð ofurmódelanna Heidi Klum og Karolinu Kurkova.

• 2 blogg um fréttina

Bloggað um fréttina

• Reynir Jóhannesson: Sjálfstæðismenn mest sexý...
• Sóldís Fjóla Karlsdóttir: Nú er að velja......