Ný X-Files kvikmynd sögð væntanleg

Frásagnir herma að í undirbúningi sé ný kvikmynd sem fjallar um ævintýri FBI starfsmannanna Fox Mulders og Dönu Scully, en þau gerðu garðinn frægann á tíunda áratug seinustu aldar í þáttunum X-Files.

David Duchovny, sem fór með hlutverk Mulders, hefur sagt við blaðamenn að hann muni fá X-Files handrit í hendurnar í næstu viku, en þetta kemur fram á fréttavef BBC.

Duchovny og Gillian Anderson, sem lék Scully, eru bæði reiðubúin að taka þátt í gerð nýrrar kvikmyndar að sögn Duchovny.

Þau áttu bæði þátt í að skrifa handritið að fyrstu X-Files kvikmyndinni, sem var frumsýnd fyrir tæpum áratug. Þættirnir nutu gríðarlegra vinsælda á meðan þeir voru og hétu, frá 1993-2002. Þeir unnu m.a. þrenn Golden Globe verðlaun sem bestu dramatísku sjónvarpsþættirnir.

• 2 blogg um fréttina

Bloggað um fréttina

• Hallbjörn Sigurður Guðjónsson: Þetta er nú GÖMUL frétt !
• Vinir Ketils bónda, áhugamannafélag: kynlífsfíkill og konan sem hatar nörda saman á ný