Undir stjórn Domingo

Kristinn Sigmundsson óperusöngvari mun syngja undir stjórn Placido Domingo í Rómeó og Júlíu hjá Metropolitan-óperunni í New York í haust.

Kristinn hefur sungið með Domingo en aldrei unnið undir hans stjórn og segist að vonum vera spenntur yfir því.

Kristinn er í sumarfríi á Íslandi um þessar mundir en hann hefur nýlokið við að syngja í tveimur verkum hjá San Francisco-óperunni. Hann segir veturna yfirleitt vera mjög þétt skipulagða hjá sér og því njóti hann þess að vera heima í faðmi fjölskyldunnar á sumrin og ætli ekkert að koma fram fyrr en á sviði Metropolitan í haust.

Það er nóg að gera hjá Kristni og er hann þegar kominn með bókarnir fram til ársins 2010 sem hann segir vera mikið öryggi fyrir sig. Stærsta hlutverk hans á næstunni kveður hann vera að syngja Ochs barón í óperunni Rósariddaranum hjá Metropolitan árið 2009.

Sjá nánar í Morgunblaðinu í dag.