Sjónvarpsþáttur Victoriu sagður sjálfsdýrkunarsvall

Þáttur um flutning Victoria Beckham til Bandaríkjanna var frumsýndur í gær. Í þættinum, sem gagnrýnandi New York Post segir “sjálfsdýrkunarsvall” dæsir Victoria m.a. og segir það vera ótrúlega krefjandi að vera ómótstæðileg. Þá segir gagnrýnandi The New York Times hana koma fyrir sem "heimskulega ríka stelpu" í þættinum.

Á sama tíma er Victoria sögð hafa hafnað boði samkvæmisljónsins Parísar Hilton um að mæta í veislu á hennar vegum. Er hún sögð óttast að kunningsskapur við Hilton muni skaða ímynd hennar í Hollywood.

Í þættinum, sem gerður var af NBC sjónvarpsstöðinni, sést Victoria m.a. hella fyrirmælum yfir nýráðna aðstoðarkonu sína og segja henni að það eigi allt að snúast um sig.

• 5 blogg um fréttina

Bloggað um fréttina

• Hafsteinn Viðar Ásgeirsson: Henni Victoriu....
• Ásta Gunnlaugsdóttir: Hvernig DIRFIST konan að vera með sjálfsálit?!
• Kristín M. Jóhannsdóttir: Að grínast eða ekki að grínast - það er spurningin
• Guðsteinn Haukur Barkarson: 'Narcissism' hjá fræga og fína fólkinu
• Jenný Anna Baldursdóttir: SJÁLFSDÝRKANDI ALDARINNAR..