Hrædd um að Doherty selji myndbandsupptökur

Ofurfyrirsætan Kate Moss hefur miklar áhyggjur af því að myndbandsupptökur sem hún gerði með sínum fyrrverandi, Pete Doherty, muni enda á Netinu. Kate mun hafa búið til átta myndbandsdagbækur með Doherty þegar allt lék í lyndi en nú finnur hún bara sex og óttast því að Doherty hafi hinar tvær í sínum fórum og muni freistast til að selja upptökurnar til að fjármagna eiturlyfjaneyslu sína. Moss og Doherty höfðu áður sett eitt myndband á Netið þar sem þau sjást syngja saman auk þess sem Doherty dansar í kringum fyrirsætuna, sem er klædd efnislitlum fatnaði. Nú þegar Moss hefur sparkað Doherty út eftir að hann hélt framhjá henni með suður-afrísku fyrirsætunni Lindi Hingston horfir málið öðruvísi við og Moss er víst dauðhrædd um að upptökurnar muni verða henni til skammar.