Lisa Marie Presley syngur með föður sínum
Setja bókamerki
Á morgun, þegar 30 ár verða liðin frá andláti Elvis Presley, verður birt á vefsíðunni Spinner.com nýtt myndband þar sem Lisa Marie Presley, dóttir rokkkóngsins sést syngja með föður sínum hinn sígilda Elvis-slagara „In the Ghetto“.
Lisa Marie Presley segir að rödd hennar hafi verið bætt við upphaflega útgáfu lagsins lagið, sem er frá árinu 1969. „Ég hef aldrei grátið yfir neinu sem ég hef gert, en ég missti mig alveg þegar ég heyrði það,“ sagði hún. „Þetta er mjög lífrænt allt saman. Þetta er ekkert flókið tæknilega séð, þeir einfaldlega bættu mér inn í upprunalega lagið.“
Allur ágóði lagsins og myndbandsins verður nýttur til þess að byggja bráðabirgðahúsnæði fyrir heimilislausa í New Orleans, sagði hún.
Lisa Marie, sem er 39 ára, mun koma fram á tónleikum á morgun. Hún mun m.a. flytja „In the Ghetto“ með föður sínum, sem mun sjást á stórum skjá, auk fyrrum bakradda og hljómsveitar Elvis.
Mengað jarðefni geymt á Sævarhöfða
Að flytja á Álftanes var skrifað í skýin
„Ekki við hæfi að blanda sér í umræðu um ritstjórn RÚV“
Fræsa og malbika Reykjanesbraut
Sundagöng koma einnig til greina
Íslendingar þurfa að fullorðnast í varnarmálum
Um 60 skjálftar í kvikuganginum