Christian Slater til Íslands?

Hollywood-leikarinn Christian Slater leikur í mynd sem verður tekin upp að hluta hér á landi.

Þetta kemur fram í viðtali við Slater sem birtist í The Times síðastliðinn mánudag. Í viðtalinu segir, þegar talið berst að næstu verkefnum Slater: "Hann er með tvö verkefni bókuð – vísindaskáldsögu sem verður tekin upp á Íslandi og sitt eigið leikstjórnarverkefni, mynd gerða eftir skáldsögu Williams Viharos Love Stories are Too Violent For Me."

Ekki kemur fram hvenær tökur á myndinni fara fram hér á landi eða hverjir aðrir koma að henni.