Breskir saksóknarar komust að þeirri niðurstöðu að ljósmynd sem tilheyrir listaverkasafni popparans Elton John sé ekki ósiðleg. Gallerí sem fékk myndina lánaða til sýningar gerði lögreglunni viðvart, höfðu menn áhyggjur af því að myndin gæti flokkast sem barnaklám. Myndin er eftir bandaríska ljósmyndarann Nan Goldin og sýnir tvær naktar stúlkur.
The Baltic Centre for Contemporary Art í Gateshead í norðausturhluta Englands sem hafði fengið myndina lánaða ásamt 149 öðrum myndum eftir Goldin sem eru í einkasafni Elton John tók restina af myndunum niður og lokaði sýningunni að beiðni popparans.
Myndin heitir á frummálinu „Klara and Edda Belly Dancing” og hefur verið sýnd víða um heim án mótmæla.