Jolie kynþokkafyllst enn og aftur

Angelina Jolie. Reuters

Angelina Jolie trónir efst á lista yfir 100 kynþokkafyllstu kvikmyndastjörnur sem hafa lifað. Það var Empire tímaritið sem stóð fyrir kosningunni til að finna fallegustu stjörnu hvíta tjaldsins hingað til.

Jolie hlaut titilinn vegna fagurs vaxtarlags, heillandi augna og þykkra vara.

Í öðru sæti er unga kvikmyndaleikkonan Natalie Portman sem náði að gera snoðklippingu kynþokkafulla í myndinni V for Vendetta.

James Bond leikarinn Daniel Craig, sem fékk konur til að dæsa í Casino Royale þegar hann gekk upp úr sjónum í blárri, þröngri sundskýlu, lendir í þriðja sæti, efstur karlmanna. Næstur karla er Johnny Depp í fimmta sæti. Matt Damon sem var nýlega valinn kynþokkafyllsti karlmaður á lífi af tímaritinu People nær ekki nema sautjánda sæti á listanum.

Það voru um 20.000 kvikmyndaaðdáendur sem kusu á listann.

Tíu kynþokkafyllstu kvikmyndastjörnurnar eru:

1. Angelina Jolie
2. Natalie Portman
3. Daniel Craig
4. Jessica Alba
5. Johnny Depp
6. Eva Green
7. Brad Pitt
8. Scarlett Johansson
9. Keira Knightley
10. Gerard Butler

Nánar um málið
í Morgunblaðinu

Áskrifendur:
Lesa blaðið hér

Ekki með áskrift?
Skoða áskriftarleiðir

Veröld/Fólk, 1 Fólk - fréttir — Fleiri fréttir

Bæði jómfrú og trúlofuð

Noemi Letizia með mynd af ítalska forsætisráðherranum.

12.5.2009 Noemi Letizia, 18 ára gömul stúlka, sem komst í heimsfréttirnar fyrir skömmu þegar Silvio Berlusconi, forsætisráðherra Ítalíu, mætti í afmælið hennar, segist í viðhafnarviðtali í ítalska vikublaðinu Chi, bæði vera hrein mey og trúlofuð. Meira

Texti í tímans straumi

12.5.2009 Skáldsagan Rokland, eftir Hallgrím Helgason, er nú komin út á sænsku í þýðingu John Swedenmark. Gagnrýnandi blaðsins Dagens Nyheder fjallar um bókina í dag og fer um hana lofsamlegum orðum. Hann segir jafnframt, að bókin Draumalandið, eftir Andra Snæ Magnason, komi upp í hugann við lestur Roklands: báðar hafi bækurnar komið út í miðju íslenska góðærinu og hafi hvor með sínum hætti spáð fyrir um atburði síðasta hausts. Meira

Peter Gabriel fær Polarverðlaunin

12.5.2009 Tilkynnt var í morgun, að tónlistarmennirnir Peter Gabriel og José Antonio Abreu hljóti sænsku Polarverðlaunin í ár. Um er að ræða tónlistarverðlaun, sem Stikkan Andersson stofnaði til árið 1989. Meira

Trekkarar troðfylltu bíóhúsin

Leikararnir Chris Pine og Zachary Quinto í hlutverkum sínum í nýju Star Trek myndinni.

12.5.2009 Ævintýramyndin Star Trek var langmest sótta myndin í íslenskum kvikmyndahúsum um helgina og jafnframt sú tekjuhæsta. Rétt tæplega 5.000 manns skelltu sér á myndina sem skilaði rúmum 4,5 milljónum í kassann. Meira

Meira

Augnablik - sæki gögn...

Morgunblaðið