Ljósmyndari hefur höfðað mál gegn gegn írska leikaranum Pierce Brosnan, en hann heldur því fram að Brosnan hafi lagt á sig hendur í Los Angeles.
Robert Rosen segist hafa verið að taka ljósmyndir af leikaranum þann 26. október sl. þegar Brosnan sló hann í bringuna.
Ljósmyndarinn heldur því fram að hann hafi bæði orðið fyrir alvarlegum líkamlegum og andlegum skaða vegna atviksins. Hann sé t.a.m. með marin rifbein.
Í síðasta mánuði sögðu saksóknarar í Los Angeles að þeir hefðu ekki nægjanlegar sannanir undir höndunum svo hægt væri að höfða mál gegn Brosnan, sem er 54 ára gamall, vegna umrædds atviks.
Fram kemur í dómsskjölum að Rosen hafi fullyrt að hann hafi hvorki verið að veita leikaranum eftirför né brjóta gegn friðhelgi einkalífsins.