Breski ljósmyndarinn Tim Hetherington hlaut í dag hin virtu World Press Photo verðlaun fyrir mynd sína af dauðþreyttum bandarískum hermanni í Afganistan.
„Myndin sýnir dauðþreyttan mann - og dauðþreytta þjóð,“ sagði Gary Knight, formaður dómnefndarinnar. „Þetta snertir okkur öll. Þetta er mynd af manni sem getur ekki meira.“
Hetherington tók myndina 16. september í fyrra fyrir tímaritið Vanity Fair.
Verðlaun voru veitt í 10 flokkum, og hlutu þau 59 ljósmyndarar frá 23 löndum.