Fljótir hálfvitar reyndust kvensterkir
Setja bókamerki
Húsvíska hljómsveitin Ljótu hálfvitarnir tóku virkan þátt í hátíðarhöldunum í tilefni sjómannadagsins í bænum í dag. Rúsínan í pylsuendanum á hátíðardagskránni var knattspyrnuleikur milli Ljótu hálfvitanna og meistarflokksliðs Völsungkvenna.
Raunar hafði sveitin breytt um nafn og kallaði sig Fljótu hálfvitana þegar hún mætti til leiks undir stjórn þjálfara síns, Aðalsteins Árna Baldurssonar.
Hálfvitarnir náðu snemma forystunni sem þeir juku jafnt og þétt og náðu Völsungstúlkurnar aldrei að jafna leikinn. Honum lauk því sigri hinna fljótu en knattspyrna þeirra þótti ekki áferðarfalleg og má það sennilega skrifa á reikning þjálfarans.
Í kvöld sjá svo Ljótu hálfvitarnir um veislustjórn á Hátíð hafsins sem haldin er í íþróttahöllinni og halda einnig tónleika áður en dansleikur hefst með hljómsveitinni Gloríu.
Mál hjúkrunarfræðingsins fer aftur fyrir héraðsdóm
Ók á ofsahraða á móti umferð og uppi á stétt
Fimm dauðir hvolpar fundust í poka
Sennilega gróðureldur, ekki ný sprunga
Bregðast við vopnahléstillögu á morgun
Fjallabak, Sprengisandur og niður í Eyjafjörð
Gosopið gæti stækkað á ný: „Eitthvað í aðsigi“