Féll af níundu hæð og lést

Tvítug fyrirsæta frá Kazakhstan, Ruslana Korshunova, lét lífið er hún féll fram af svölum á íbúð á níundu hæði í húsi á Manhattan í gær, að því er bandarískir fjölmiðlar greina frá í dag. Telur lögregla líklegast að hún hafi svipt sig lífi, en rannsókn á málinu er hafin.

Vinir Korshunovu segja hana hafa verið nýkomna úr vinnuferð til Parísar og verið afar ánægða og því ekkert sem benti til að hún hafi tekið eigið líf. Lögreglan segir aftur á móti að engin merki um átök hafi fundist í íbúðinni.

Korshunova hefur prýtt forsíður Evrópuútgáfu tímaritanna Elle og Vogue, og setið fyrir á auglýsingamyndum fyrir fræga hönnuði á borð við Veru Wang og Christian Dior. Var hún talin afar efnileg fyrirsæta.

• 1 blogg um fréttina

Bloggað um fréttina

• Ómar Ingi: Model Apparently Jumps to Death in Lower Manhattan