Fjöldi ofurhuga eru mættur til Pamplona á Spáni til þess að taka þátt í árlegu nautahlaupi á götum borgarinnar. Fyrsta hlaupið var í morgun og slösuðust níu í baráttunni við nautin. Hlaupið, sem nefnist San Fermin, tekur einungis nokkrar mínútur enda vegalengdin 850 metrar. Ýmsir spretta líka hressilega úr spori ef sex naut, sem vega um hálft tonn hvert, hlaupa með þér.

Hlaupið í morgun var það fyrsta af átta en gert er ráð fyrir því að mesta spennan verði í hlaupum helgarinnar enda mannfjöldinn mestur þá.